02.04.2026 | 21:28
«Անկախ դիտորդ»-ի ուսումնասիրությունը․ Հանրայինի Առաջինի լրատվականի YouTube-ում գերակշռում է ՔՊ-ին առնչվող քարոզչությունը
Սևանում հոր վրեժը լուծելու համար սպանություն կատարած անձը կալանավորվել է
Հասարակություն
02.08.2017 | 15:26
Երևան-Սևան ճանապարհին հուլիսի 30-ին տեղի ունեցած կրկնակի սպանության դեպքով հարուցված քրեական գործի շրջանակում մեղադրանք է առաջադրվել 1 անձի:
Քննչական կոմիտեից հայտնեցին, որ մեղադրանք է առաջադրվել 28-ամյա Էդգար Հովհաննիսյանին, որի հայրը միջադեպի ժամանակ մահացել էր: 28-ամյա երիտասարդին մեղադրանք է առաջադրվել Քրեական օրենսգրքի 104-րդ հոդվածի 1-ին մասով և քննիչը միջնորդություն է ներկայացրել դատարան՝ նրա նկատմամբ խափանման միջոց կալանավորումն ընտրելու վերաբերյալ:
Ավելի վաղ հայտնել էինք, որ Սևանում հուլիսի 30-ին սպանվել էր 60-ամյա Աշոտ Հովհաննիսյանը՝ ծեծկռտուքի արդյունքում ստացած վնասվածքներից: Ծեծկռտուքը եղել էր Աշոտ Հովհաննիսյանի, նրա երկու որդիների և Դավիթ Առաքելյանի ու նրա ընկերների միջև, ինչից հետո Աշոտ Հովհաննիսյանը մահացած տեղափոխվել էր հիվանդանոց: Ըստ ոստիկանության տվյալների, դրանից հետո Աշոտ Հովհաննիսյանի որդին՝ 28-ամյա Էդգար Հովհաննիսյանը, հետապնդել և Երևան-Սևան ճանապարհին Դավիթ Առաքելյանին իջեցրել է «Մերսեդես» ավտոմեքենայից ու որսորդական հրացանով կրակել նրա վրա, ինչից հետո մեղայականով ներկայացել է ոստիկանություն:
