28.04.2026 | 21:14
ՔՊ-ն ԱԺ պետաիրավական հարցերի մշտական հանձնաժողովի նախագահի թեկնածու է առաջադրել
2017-2018թթ. 1-ին կիսամյակում գնումների ոլորտում կնքվել է 9205 պայմանագիր, գեներացվել՝ 140 մլրդ դրամի պարտավորություն. Արտակ Մանուկյան. ՏԵՍԱՆՅՈՒԹ
Տնտեսություն
28.12.2018 | 13:08
«Հանրային քաղաքականության հետազոտությունների ազգային կենտրոն» ՀԿ-ն իրականացրել է հետազոտություն 2017-2018 թթ (I կիսամյակի) պետական գնումների համակարգի հիմնական միտումների վերաբերյալ:
ՀԿ-ի նախագահ, տնտեսագետ Արտակ Մանուկյանի խոսքով՝ օրենսդրական փոփոխություններ են եղել մի շարք ոլորտներում՝ մասնավորապես փոխվել են գնումների ոլորտում ՓՄՁ-ների և փոքր ստարտափների գործունեությունը կարգավորող օրենքներից որոշները:
«Շրջանառության մեջ է դրվել օրենքի նախագիծ, ըստ որի, առաջակվում է մինչև 10 մլն դրամի գնումների պարագայում որևէ փաստաթուղթ չպահանջել և ազատել հարկայինի կողմից կիրառվող մի շարք «մահակներից»՝ փաստաթղթերից»,- ասաց Մանուկյանը:
Հաջորդ փոփոխությունը, ըստ տնտեսագետի, վերաբերում է Հայաստանում և ԵՏՄ տարածքում գնումներին մասնակցելու ընթացակարգին և առաջարկվել է սև ցուցակում ընդգրկված մարդկանց թույլ չտալ մասնակցել գնումների:
Արտակ Մանուկյանի խոսքով՝ խնդիրներ են առկա հանրային կազմակերպությունների՝ հաշվետվություններ ներկայացնելու պարտավորությունների շրջանակում. gnumner.am կայքի հաշվետվություններ բաժնի ուսումնասիրությունից պարզ է դառնում, որ մեծ կազմակերպությունները պարտաճանաչ չեն իրենց հաշվետվությունները ներկայացնելու հարցում, բացառություն են կազմում մեկ-երկու խոշոր կազմակերպություն:
««Գազպրոմ Արմենիան» և ՀԷՑ-ը պարտաճանաչ ներկայացնում են իրեց հաշվետվությունները, սակայն, եթե Գնումների մասին օրենքը ասում է, որ մինչև 1 մլն դրամի պարագայում կարող են գնումներ իրականացնել մեկ անձի միջոցով, ապա ՀԷՑ-ը կամայականորեն 50 անգամ այդ շեմը ավելացրել է՝ դարձնելով 50 մլն դրամ»,- ասաց Արտակ Մանուկյանը:
Ներկայացելով 2017-2018 թթ. I կիսամյակում կնքված պայմանագրերի թիվը՝ Արտակ Մանուկյանը նշեց, որ կնքվել է 9205 պայմանագիր, գեներացվել է 140 մլրդ դրամի պարտավորություն:
«Առողջապահության, Պաշտպանության, Տրանսպորտի և կապի նախարարություններ, Երևանի քաղաքապետարան և Ոստիկանություն. սրանք ամենաշատը գնումներին մասնակցած ընկերությունների առաջին հնգյակն է: Օրինակ ՝ Առողջապահության նախարարությունն ամենաշատը պայմանագրեր է կնքել «Սուրբ Գրիգոր Լուսավորիչ», «Աստղիկ», «Էրեբունի»,«Արաբկիր» ԲԿ-ների և Մխիթար Հերացու անվան պետական բժշկական համալսարանի հետ: Պաշտպանության նախարարությունը ամենաշատ պայմանագրերը կնքել է «Ֆլեշ»-ի, ՀԷՑ-ի, «Գազպրոմ Արմենիա»-ի և մի քանի այլ ընկերությունների հետ: Երևանի քաղաքապետարանը պայմանագրեր է կնքել «Լիլիթ 87», «Սահակյան Շին» ՓԲԸ, «Նարիմանյան» ՍՊԸ և մի քանի այլ ընկերությունների հետ, որոնցից մի քանիսը, ինչպես մեր նախորդ զեկույցում ենք նշել, ռիսկային են: Ոստիկանությունը ամենաշատ պայմանագրեր կնքել է «Հայփոստ»-ի, «Ֆլեշ»-ի, ՀԷՑ-ի և ևս մի քանի ընկերության հետ, իսկ Տրանսպորտի և կապի նախարարությունը՝ «Կապավոր», «Մեղու» ՃՃՇՁ-ի և ևս մի քանի այլ ընկերությունների հետ»,- ասաց Արտակ Մանուկյանը:
Մանրամասները՝ տեսանյութում:
