10.09.2026 | 22:47
Հայաստանի մի շարք հասցեներում էլեկտրաէներգիայի անջատումներ կլինեն
Նոտարական թարգմանչի որակավորում ունեցողին պետք է ինքնաբացարկ հայտնել. «Սասնա ծռերի» պաշտպանը՝ դատավորին
27.07.2017 | 13:02
Ավան և Նոր Նորք վարչական շրջանների ընդհանուր իրավասության առաջին ատյանի դատարանում այսօր շարունակվել է «Սասնա ծռերի» գործով առանձնացված 18-ի գործով քրգործի քննությունը:
«Սասնա ծռերից» Թաթուլ Թամրազյանը չի տիրապետում հայերենին, ուստի դատարան թարգմանչուհի է հրավիրվել:
Թաթուլ Թամրազյանի պաշտպան Լիպարիտ Սիմոնյանի և դատավոր Արտուշ Գաբրիելյանի միջև այս առնչությամբ վիճաբանություն է սկսվել: Պաշտպան Սիմոնյանը հարց է հնչեցրել. «Ինչի՞ց է երևում, որ տվյալ անձը ունի թարգմանչի որակավորում: Նոտարական թարգմանչի որակավորում ունեցողին պետք է ինքնաբացարկ հայտնել»:
Դատավոր Արտուշ Գաբրիելյանը թարգմանչուհուն խնդրել է հաջորդ նիստին դիպլոմ և թարգմանչուհու որակավորման հետ կապված այլ փաստաթղթեր ներկայացնել:
Դատարանն ընդունել է պաշտպանի ինքնաբացարկի միջնորդությունը:
