16.09.2026 | 11:22
«Արարատ-Արմենիան» մեկնարկում է Եվրոպա լիգայի հիմնական փուլում
Ռոնալդինյո. «Եթե կարողանամ խփել 300-րդ գոլը, դա հիանալի կլինի»
21.08.2026 | 17:28
Բրազիլիայի հավաքականի, «Բարսելոնայի» ու «Միլանի» նախկին հարձակվող Ռոնալդինյոն մեկնաբանել է կարիերան վերսկսելու որոշումը: Ավելի վաղ 46-ամյա բրազիլացի լեգենդար ֆուտբոլիստը պայմանագիր էր կնքել Իտալիայի C Սերիայում հանդես եկող «Ռավեննա» ակումբի հետ:
«Ես շատ ուրախ եմ այստեղ լինել ընկերներիս հետ: Մենք ունենք թիմ, որը կարող է լավ արդյունքներ ցույց տալ: Արդյոք կտեսնե՞ք ինձ խաղադաշտում. դա գիտի միայն մարզիչը:
Իտալիա վերադառնալը հիանալի է: Ես այստեղ եմ, որպեսզի օգնեմ թիմակիցներիս հաղթանակների հասնելու գործում: Ինչպես տեսնում եք, ես լավ մարզավիճակում եմ ու հիանալի եմ զգում ինձ: Եթե կարողանամ խփել 300-րդ գոլը, դա հիանալի կլինի»,- Ռոնալդինյոյի խոսքը մեջբերում է BBC-ն:
Հիշեցնենք, որ 2005թ. «Ոսկե գնդակի» դափնեկիրը կարիերան ավարտել էր 2018 թվականին:
Դավիթ Եղիազարյան
