Ինչպես պաշտպանվել շոգից․ ՀՎԿԱԿ-ի խորհուրդները

Հիվանդությունների վերահսկման և կանխարգելման ազգային կենտրոնը հորդորում է առաջիկա շոգ օրերին խուսափել արևի երկարատև ազդեցությունից, օգտագործել բավարար քանակությամբ ջուր և ուշադրություն դարձնել սննդամթերքի անվտանգությանը։ Ըստ կանխատեսման՝ օգոստոսի 23-24-ին Հայաստանում օդի ջերմաստիճանը կբարձրանա 5-6 աստիճանով։

«Առաջիկա օրերին սպասվում է ջերմաստիճանի բարձրացում

Ըստ «Հիդրոօդերևութաբանության և մոնիթորինգի կենտրոն»-ի տվյալների՝ հանրապետությունում օդի ջերմաստիճանն օգոստոսի 23-24-ին աստիճանաբար կբարձրանա 5-6 աստիճանով։

Հիվանդությունների վերահսկման և կանխարգելման ազգային կենտրոնը հորդորում է պահպանել զգոնություն և պաշտպանվել բարձր ջերմաստիճանի ու արևի երկարատև ազդեցությունից։

Հիշեցում.

-Խուսափե՛ք արևի ճառաջայթներից 11:00-17:00-ն ընկած ժամանակահատվածում: ՈՒՄ ճառագայթման ինտենսիվությունն այս ժամերին առավելագունն է։
-Ցանկալի է կրել բարակ, բաց գույնի, երկարաթև հագուստ: Անպայման կրել գլխարկ, ցանկալի է լայնեզր:
-Օգտագործե՛ք արևապաշտպան քսուկ:
-Կրե՛ք արևային ակնոց։
-Օգտագործե՛ք հնարավորինս շատ ջուր։
-Քրոնիկ հիվանդություն ունեցող անձինք խորհրդակցեն իրենց բուժող բժշկի հետ ջրի քանակը որոշելու համար։
-Հաճախ լվացեք ձեռքերը
-Հատուկ ուշադրություն դարձրեք սննդամթերքի անվտանգությանը։
-Մրգերն ու բանջարեղենն օգտագործելուց առաջ մանրակրկիտ լվացե՛ք հոսող ջրով։
-Սննդամթերքը պահե՛ք պատշաճ ջերմաստիճանային պայմաններում՝ սառնարանում։
-Շոգ եղանակին սննդամթերքը մի՛ թողեք արևի ուղիղ ճառագայթների տակ կամ բարձր ջերմաստիճանի պայմաններում»,- ասված է հաղորդագրությունում։