«Բենֆիլդի» կիսապաշտպան Թոմաս Ադորյանը գեղեցիկ գոլի հեղինակ է դարձել Արգենտինայի գավաթի խաղարկությունում:
1/8 եզրափակիչում «Բենֆիլդը» հետխաղային 11-մետրանոցներով հաղթել է «Միդլանդին»: Հանդիպման հիմնական ժամանակն ավարտվել է 2:2 հաշվով:
Հայաստանի ազգային հավաքականի թեկնածու Թոմաս Ադորյանը դաշտ է դուրս եկել «Բենֆիլդի» մեկնարկային կազմում, իսկ 22-րդ րոպեին հաշիվը դարձրել է 2:0: 24-ամյա ֆուտբոլիստը հանդես է եկել առանց փոխարինման ու դեղին քարտ ստացել 87-րդ րոպեին:
Հիշեցնենք, որ Թոմաս Ադորյանն անցյալ տարի է նորամուտը նշել Հայաստանի հավաքականում, որի կազմում մասնակցել է երկու ընկերական հանդիպման։ Եղիշե Մելիքյանի նշանակումից հետո կիսապաշտպանը չի հրավիրվել ազգային թիմ։
