14.07.2026 | 21:12
Նախագահ Վահագն Խաչատուրյանը շնորհավորական ուղերձ է հղել Ֆրանսիայի նախագահ Էմանուել Մակրոնին
Ուկրաինան հայտարարել է ՌԴ ԱԴԾ նավ խորտակելու մասին․ զոհեր և վիրավորներ կան
14.07.2026 | 17:49
Ուկրաինայի ռազմածովային ուժերը հայտարարել են, որ խորտակել են ՌԴ ԱԴԾ սահմանապահ պարեկային «Իզումրուդ» նավը, որի հետևանքով զոհեր և վիրավորներ կան, գրում է Current time-ը։
Ըստ ուկրաինական զինվորականների՝ այն Նովոռոսիյսկի մոտակայքում ենթարկվել է «Sargan-3000» անօդաչուի հարձակմանը։
Ռուսաստանին հարվածների մասին հայտարարության մեջ Ուկրաինայի նախագահ Վլադիմիր Զելենսկին հիշատակել է Գելենջիկում (Նովոռոսիյսկից շուրջ 40 կիլոմետր հեռավորության վրա գտնվող քաղաք) հարձակման ենթարկված պարեկային նավի մասին, սակայն չի նշել դրա անունը։
«Իզումրուդը» երկրորդ կարգի «Օխոտնիկ» նախագծի 22460 դասի նավ է, որը ջուրն է իջեցվել 2014 թվականին: Ուկրաինայի ռազմածովային ուժերը հայտարարել են, որ այս նավը մասնակցել է 2018 թվականի նոյեմբերին Կերչի նեղուցում ուկրաինական նավերի վրա հարձակմանը։
Ռուսաստանը դեռևս չի մեկնաբանել նավի խորտակման մասին տեղեկությունները։
Գելենջիկում, ըստ Զելենսկիի, Ուկրաինայի ռազմածովային ուժերը հարձակվել են նաև Ռուսաստանի «ստվերային նավատորմին» պատկանող լցանավերի վրա։ Ուկրաինայի զինված ուժերի անօդաչու համակարգերի ուժերի ղեկավար Ռոբերտ Բրովդին հայտարարել էր, որ հուլիսի լույս 14-ի գիշերը հարվածել են հինգ լցանավերի, հինգ բեռնատար նավի և մեկ քարշակի։ Ընդհանուր առմամբ, նրա պնդմամբ, ինը օրվա ընթացքում հարված է հասցվել 116 նավի։
Թարգմանությունը՝ Էմմա Չոբանյանի
https://www.facebook.com/share/v/1B6mbkZMYp/
