30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
ՄԻՊ-ը հետևելու է Հրաչյա Հարությունյանի բուժման ընթացքին
Քաղաքականություն
25.07.2017 | 15:55
Ռուսաստանից Հայաստան տեղափոխված հայ վարորդ Հրաչյա Հարությունյանը պահման պայմանների հետ կապված դժգոհություններ չի հայտնել. լրագրողների հետ զրույցում վստահեցրեց նրան այցելած Մարդու իրավունքների պաշտպան Արման Թաթոյանը:
ՄԻՊ-ն առանց հստակեցնելու, սակայն, նշեց՝ իրենք ունեն մի քանի հարց և առաջիկայում պատրաստվում են «Նուբարաշեն» քրեակատարողական հիմնարկի վարչակազմի հետ այդ ուղղությամբ աշխատել: Բազմաթիվ բժշկական հետազոտություններ անցած Հրաչյա Հարությունյանի առողջական վիճակի մասին Արման Թաթոյանը մանրամասներ չներկայացրեց՝ պատճառաբանելով, որ դա բժշկական գաղտնիք է, սակայն հավաստիացրեց, որ տեղյակ են նրա առողջական վիճակի հետ կապված բոլոր մանրամասներին և հետևելու են բուժման ընթացքին:
«Տրամադրությունը բարձր էր, շատ ուրախ էր, որ տեղափոխվել է Հայաստանի Հանրապետություն»,- նկարագրելով Հրաչյա Հարությունյանի վիճակն՝ ասաց Թաթոյանը:
Հիշեցնենք՝ 2013 թվականի հուլիսի 13-ին Պոդոլսկի շրջանում ԿԱՄԱԶ մակնիշի մեքենայով տեղի ունեցած ավտովթարի հետևանքով 18 մարդու մահվան պատճառ դարձած Հրաչյա Հարությունյանը մեղավոր է ճանաչվել ՌԴ Օրենսգրքի 264 (ճանապարհային երթևեկության և տրանսպորտային միջոցների շահագործման խախտման) և 327 (կեղծ փաստաթղթերի պատրաստում) հոդվածներով նախատեսված արարք կատարելու մեջ և դատապարտվել 6,9 տարի ազատազրկման:
Մանրամասները՝ տեսանյութում:
Շողիկ Գալստյան
