16.08.2026 | 12:17
Իսլամ Մախաչևը պաշտպանել է տիտղոսը և անընդմեջ հաղթանակների ռեկորդ սահմանել UFC-ում. ՏԵՍԱՆՅՈՒԹ
Լեհաստանում ռուս ընդդիմադիր նկարչի սպանության գործով Վրաստանի քաղաքացի է ձերբակալվել
Քաղաքականություն
18.06.2026 | 15:18
Լեհաստանում ձերբակալվել է ռուս ընդդիմադիր նկարիչ և ծաղրանկարիչ Սեմյոն Սկրեպեցկիի (իսկական անունը՝ Ռոբերտ Կուզովկով) սպանության մեջ կասկածվողը։ Լեհաստանի վարչապետ Դոնալդ Տուսկը X-ում հայտարարել է, որ ձերբակալվածը «վրացական անձնագիր ունի», գրում է The Insider-ը։
44-ամյա Սկրեպեցկին սպանվել է հունիսի 15-ի առավոտյան Լյուբլինի վոյեվոդության Բյալա Պոդլասկա քաղաքի կայանատեղիում։ Հանցագործությանը մասնակցելու կասկածանքով ձերբակալվել են Բելառուսի երկու քաղաքացիներ, սակայն շուտով ազատ են արձակվել, քանի որ իրավապահ մարմինները եզրակացրել են, որ նրանք կապ չունեն սպանության հետ։
Սկրեպեցկին 2021 թվականին է արտագաղթել Լեհաստան: Իր աշխատանքներում և հրապարակային ելույթներում նա ծաղրում էր ՌԴ նախագահ Վլադիմիր Պուտինին, երկրի կառավարությանը, քննադատում Ուկրաինայի դեմ պատերազմը:
Նա նաև պարբերաբար ծաղրել է Չեչնիայի առաջնորդ Ռամզան Կադիրովին և նրա որդի Ադամին՝ նրանց պատկերելով խոզերի կերպարով: Սկրեպեցկին պարբերաբար սպառնալիքներ է ստացել Instagram-ում չեչեններից։
Թարգմանությունը՝ Էմմա Չոբանյանի
