22.10.2026 | 15:48
Սևանում սիգի արդյունագործական որսի չափաքանակը կավելանա
Արդարացի պատասխան մեր քաղաքների վրա ռուսական հարձակումներին. Զելենսկին՝ Մոսկվայի վրա ԱԹՍ-ների հարձակման մասին
Քաղաքականություն
18.06.2026 | 14:06
Ուկրաինայի նախագահ Վլադիմիր Զելենսկին Մոսկվային անօդաչու թռչող սարքերով զանգվածային հարվածներն անվանել է ռուսական հարձակումներին «արդարացի պատասխան»։ Զելենսկին հաստատել է Մոսկվայի նավթավերամշակման գործարանի վրա հարվածը, որը երկրորդն էր վերջին շաբաթվա ընթացքում, գրում է BBC-ի ռուսական ծառայությունը։
«Մոսկվայի նավթավերամշակման գործարանն այս շաբաթ երկրորդ անգամ է հարվածի ենթարկվել։ Հարվածներ են հասցվել նաև Ռոստովի մարզում և Ուկրաինայի ժամանակավորապես օկուպացված տարածքներում գտնվող թիրախներին։ Սա լիովին արդարացի պատասխան է մեր քաղաքների և համայնքների վրա ռուսական հարվածներին, ինչպես նաև մեր զինվորականների կողմից ռուսական ռազմական մեքենան աջակցող օբյեկտներում աշխատանքի ևս մեկ կարևոր արդյունք։ Ժամանակն է ավարտել այս պատերազմը, և Ռուսաստանը պետք է անհրաժեշտ քայլեր ձեռնարկի դիվանագիտական ճանապարհով»,- գրել է նա Տելեգրամում։
Մոսկվայի և Մոսկվայի մարզի վրա ուկրաինական անօդաչու թռչող սարքերի հարձակումը վերջին երկու տարիների ընթացքում ամենամասշտաբայինն էր, փաստել է ՏԱՍՍ-ը։
Մոսկվայի քաղաքապետ Սերգեյ Սոբյանինի խոսքով՝ խոցվել է գրեթե 200 ԱԹՍ, Մոսկվայի արևելյան Էլեկտրոստալում մեկ կին է վիրավորվել։
Թարգմանությունը՝ Էմմա Չոբանյանի
