23.10.2026 | 19:46
Ռոբերտ Քոչարյանի կալանքի ժամկետը 2 ամսով երկարաձգվեց
Ռուսաստանի ազդեցությունը նվազում է Ադրբեջանում, Հայաստանում և Մոլդովայում․ Զելենսկի
Քաղաքականություն
09.06.2026 | 11:33
Ռուսաստանի քաղաքական ազդեցությունն այլ երկրներում նվազում է։ Սա, մասնավորապես, վերաբերում է Ադրբեջանին, Մոլդովային և Հայաստանին։ Այս մասին Ուկրաինայի նախագահ Վլադիմիր Զելենսկին հայտարարել է The Guardian-ին տված հարցազրույցում, փոխանցում են ուկրաինական լրատվամիջոցները։
«Ադրբեջան՝ նրանք անկախ են։ Հայաստան՝ երեկվա ընտրությունները մեծ հաջողություն էին Հայաստանի անկախության համար։ Ես նաև կարծում եմ, որ ռուսները կորցրել են Մոլդովան»,- նշել է նա։
Զելենսկին նաև ընդգծել է, որ ռուսները չեն ցանկանում կորցնել Ուկրաինան, քանի որ անկախ և ազատ Ուկրաինան Ռուսաստանի համար ամենամեծ և քաղաքականապես ամենավտանգավոր երկիրն է։
«Երբ Ուկրաինան միանա ԵՄ-ին, Պուտինը ներքին խնդիրներ կունենա տարբեր ժողովուրդների հետ, հատկապես՝ Կովկասում։ Ռուսաստանի տարբեր ժողովուրդներ հարցեր կբարձրացնեն»,- պնդել է Զելենսկին։
Ավելի վաղ Ուկրաինայի ԱԳ նախարարը հայտարարել էր, որ Մոսկվայի փորձերը՝ ապակայունացնել Հայաստանում իրավիճակը, ձախողվել են։
Թարգմանոյւթյունը՝ Էմմա Չոբանյանի
