07.09.2026 | 16:09
Իրանի ԱԳՆ-ն արձագանքել է Վենսի՝ պատերազմի վերաբերյալ հայտարարություններին
Այս ընտրությունները ցույց են տալիս, որ միայն հայերն են որոշելու իրենց երկրի ապագան․ Ուկրաինայի ԱԳ նախարար
Քաղաքականություն
08.06.2026 | 18:02
«Շնորհավորում եմ Հայաստանի ժողովրդին ազատ և ժողովրդավարական ընտրությունների հաջող անցկացման կապակցությամբ։ Հաջողություն եմ մաղթում հաղթողներին՝ Նիկոլ Փաշինյանին և նրա կուսակցությանը՝ իրենց երկրի համար մեծ արդյունքների հասնելու գործում»։ Այս մասին X-ում գրել է Ուկրաինայի ԱԳ նախարար Անդրեյ Սիբիհան։
Նա հավելել է՝ «այս ընտրությունները ցույց են տալիս, որ միայն հայերն են որոշելու իրենց երկրի ապագան»։
«Կարևոր աշխարհաքաղաքական եզրակացությունն այն է, որ Մոսկվայի փորձերը՝ միջամտելու և անկայունացնելու Հայաստանը, ձախողվեցին, ինչպես նախկինում ձախողվեցին Ռումինիայում, Մոլդովայում, Հունգարիայում և այլ երկրներում։ Սա ցույց է տալիս, որ Ռուսաստանի ազդեցությունը շարունակում է թուլանալ։ Մոսկվան այլևս արժեքավոր ոչինչ չի առաջարկում որևէ այլ երկրի համար՝ բացի սպառնալիքներից, շանտաժից և կայսերական ամբարտավանությունից»,- գրել է Սիբիհան։
Նա նշել է, որ հիմա Եվրոպայի ու ԵՄ-ի համար լավագույն ժամանակն է՝ գործել, զարգացնել առկա թափը և իրական արդյունքներ ապահովել Հայաստանի համար։ Ռուսաստանից տարբերվող՝ եվրոպական համայնքի հետ ավելի սերտ համագործակցությունը նշանակում է ավելի մեծ անվտանգություն, բարգավաճում և ազատություն։
Թարգմանությունը՝ Էմմա Չոբանյանի
