16.08.2026 | 22:20
«Արսենալը» խոշոր հաշվով հաղթեց «Մանչեսթեր Սիթիին» ու դարձավ Անգլիայի սուպերգավաթակիր. ՏԵՍԱՆՅՈՒԹ
Օվերչուկը հայտարարել է, թե ԵՄ-ի օգնությունը Հայաստանին ոչինչ չի լուծի
Քաղաքականություն
05.06.2026 | 13:34
Հայաստանին 50 մլն եվրոյի ծավալով ֆինանսական օգնությունը, որը մտադիր է հատկացնել Եվրամիությունը, բացարձակ ոչինչ չի լուծի երկրի համար տնտեսական աջակցության տեսակետից։ Այս մասին հայտարարել է Ռուսաստանի փոխվարչապետ Ալեքսեյ Օվերչուկը։
«Սա բացարձակապես ոչինչ չի լուծում։ Դրանք այն գումարները չեն։ Մեր առևտրի ծավալները [Հայաստանի հետ] բոլորովին տարբեր են, ես նույնիսկ չեմ ուզում մեկնաբանել դա»,- «Ինտերֆաքս»-ին ասել է Օվերչուկը։
Նա նաև Հայաստանից Ռուսաստան մի շարք ապրանքների ներմուծման սահմանափակումների սահմանումը պատահականություն է անվանել՝ ԵՏՄ-ին Երևանի անդամակցության հեռանկարների շուրջ ընթացող քննարկումների ֆոնին։
«Կիրառվող միջոցառումներն իրականացվում են բնականոն աշխատանքի շրջանակում, օրենքի շրջանակում, պարզապես հիմա համընկել է»,- ասել է Օվերչուկը։
Հարցին՝ արդյո՞ք ֆիտոսանիտարական պատճառներով Հայաստանից որոշակի ապրանքների ներմուծման սահմանափակումները «սթրես-թեստ են», ՌԴ փոխվարչապետը պատասխանել է. «Ես չեմ ուզում սա սթրես-թեստ համարել, բայց որոշ չափով դա նաև սթրես-թեստ է: Իրականում ընթանում է սովորական աշխատանք՝ ֆիտոսանիտարական բաղադրիչի ստուգմամբ: Նոր բերքահավաքը հիմա ընթացքի մեջ է և, բնականաբար, դրան ավելի մեծ ուշադրություն է դարձվում»:
Թարգմանությունը՝ Էմմա Չոբանյանի
