30.04.2026 | 22:37
Մայիսի եղանակի կանխատեսումը
Ռուսաստանն արգելափակել է ավելի քան 1 միլիոն շիշ «Ջերմուկ» հանքային ջրի վաճառքը
Տնտեսություն
30.04.2026 | 14:56
ՌԴ պետական «Честный знак» մակնշման համակարգը Ռոսպոտրեբնադզորի պահանջով արգելափակել է Հայաստանում արտադրված «Ջերմուկ» հանքային ջրի գրեթե 1,1 միլիոն շշի վաճառքը։ Այս մասին ՌԲԿ-ին հայտնել են Ռոսպոտրեբնադզորի մամուլի ծառայությունից։
Նշվում է, թե սահմանափակումները մտցվել են 2025 թվականի հոկտեմբերի 23-ից մինչև 2026-ի մարտի 27-ն արտադրված արտադրանքի նոր խմբաքանակների ստուգման արդյունքում: Ռոսպոտրեբնադզորը հայտնել է, թե, իբր, նմուշները պարունակում էին պարտադիր պահանջների խախտումներ: Սահմանափակումները մտցվել են քաղաքացիների կյանքին և առողջությանը հնարավոր վնասը կանխելու համար: Սահմանափակումները վերաբերում են տարբեր փաթեթավորումների արտադրանքի թողարկման ինը ամսաթվերի:
«Մակնշման համակարգը ծառայում է որպես սպառողների պաշտպանության հուսալի թվային մեխանիզմ։ Կարգավորող մարմնի հարցումը ստանալուց հետո մենք անհապաղ կասեցրեցինք յուրաքանչյուր ապրանքի վաճառքն ամբողջ երկրում. սպառողները պարզապես չեն կարողանա գնել պոտենցիալ վտանգավոր ապրանքը։ Համակարգը վերահսկում է շուկայի ամբողջ կառուցվածքը՝ արտադրանքի թողարկումից մինչև վաճառք, ինչը թույլ է տալիս մեզ անմիջապես մեկուսացնել հայտնաբերված խախտումներով ապրանքները և ապահովել, որ միայն անվտանգ և ստուգված ապրանքները հասնեն խանութներ»,- ասել է «Честный знак» համակարգի օպերատորի ЦРПТ-ի գլխավոր տնօրենի տեղակալ Ռևազ Յուսուպովը։
Ապրիլի 27-ին կասեցվել էր 338,000 շշի վաճառքը։ Սա ժամանակավոր սահմանափակումների ենթակա ապրանքների ընդհանուր թիվը հասցնում է 1,4 միլիոն միավորի։ Մինչև լրացուցիչ ստուգումների ավարտը և թույլտվություն ստանալը՝ ապրանքի վաճառքը չի թույլատրվի։
Թարգմանությունը՝ Էմմա Չոբանյանի
