28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Ապրիլի 29-ին Երևանը կվերածվի մեծ բեմի՝ «Արի՛, պարի՛» նախաձեռնությամբ
Մշակույթ
27.04.2026 | 11:46
ՀՀ զբոսաշրջության կոմիտեից հայտնում են, որ ապրիլի 29-ին Երևանը կվերածվի մեծ բեմի՝ «ԱՐԻ՛, ՊԱՐԻ՛» նախաձեռնության շրջանակում, որը մեկ տոնում կհամախմբի շուրջ 4000 պարողի։ Հանրապետության հրապարակում, Հյուսիսային պողոտայում, Ազատության հրապարակում և Երևանի այլ հատվածներում անցկացվելիք միջոցառումների նպատակն է ներկայացնել հայկական պարարվեստի ուժն ու գեղեցկությունը։
«Ապրիլի 29-ին Երևանը կվերածվի մեծ բեմի՝ «ԱՐԻ՛, ՊԱՐԻ՛» բացառիկ նախաձեռնությամբ։
Ժողովրդական երաժշտության և պարի ազգային կենտրոնի նախաձեռնությամբ, ՀՀ ԿԳՄՍ նախարարության բարձր հովանու ներքո, շուրջ 4000 պարող կմիավորվի մեկ տոնում՝ ներկայացնելու հայկական պարարվեստի ուժն ու գեղեցկությունը։
Մասնակցում են պետական և հանրահայտ պարային խմբեր, ուսումնական հաստատություններ և մարզային համույթներ՝ միասին ստեղծելով լայնամասշտաբ մշակութային իրադարձություն։
Միջոցառումները կանցկացվեն Երևանի կենտրոնական հատվածներում։
ԾՐԱԳԻՐ
16:00 — Հանրապետության հրապարակ — «Տոնական շուրջպար 7 շրջանով»
18:00 — Պարային ֆլեշմոբեր՝ Հյուսիսային պողոտա, Շառլ Ազնավուրի հրապարակ և այլ վայրեր
19:00 — Ազատության հրապարակ — եզրափակիչ միջոցառում
Միացի՛ր, պարի՛ և դարձիր հայկական պարի կենդանի կրողը»,- ասված է հաղորդագրությունում։
