02.07.2026 | 17:51
Հաստատվել է ՀՀ առողջության համընդհանուր ապահովագրության հիմնադրամի հոգաբարձուների խորհրդի անհատական կազմը
«Լուկօյլ»-ի հիմնադիր Վագիտ Ալեքպերովն այցով Արցախում է
24.04.2026 | 22:13
Ռուսական «Լուկօյլ» նավթային ընկերության հիմնադիր և արդեն նախկին նախագահ, ադրբեջանական ծագումով հայտնի միլիարդատեր Վագիտ Ալեքպերովն այցով Արցախում է։ Ադրբեջանական լրատվամիջոցները հաղորդում են, որ Վարանդա (Ֆիզուլի) քաղաքում իրականացվող վերականգնողական աշխատանքների վերաբերյալ շնորհանդես է տեղի ունեցել։ Միջոցառմանը մասնակցել են Ադրբեջանի էկոնոմիկայի նախարար Միքայիլ Ջաբարովը, գիտության և կրթության նախարար Էմին Ամրուլլաևը, նախագահի հատուկ ներկայացուցիչ Էմին Հուսեյնովը, Վագիտ Ալեքպերովը, և «Լուկօյլ Ադրբեջան» ՓԲԸ-ի գլխավոր տնօրեն Ռասիմ Ամրալիևը։
Վարանդայում նաև մանկապարտեզ է բացվել։
«Այսօր շահագործման հանձնված հաստատությունը կխրախուսի երեխաներին մեծանալ և կրթություն ստանալ իրենց հայրենի քաղաքում։ Մենք ուրախ ենք, որ նախագահ Իլհամ Ալիևը մեր ընկերությանն է հանձնարարել կառուցել նման հրաշալի մանկապարտեզ։ Այն է՛լ ավելի կզարդարի քաղաքը և կնպաստի առողջ, գրագետ սերնդի զարգացմանը՝ Ադրբեջանի բարգավաճման համար»,- հայտարարել է Ալեքպերովը։
Թարգմանությունը՝ Էմմա Չոբանյանի
