05.06.2026 | 09:40
Արմեն Աշոտյանի մասնակցությամբ Բրյուսովի գույքի գործով 7 անձի ձերբակալելու որոշում է կայացվել․ ՔԿ
ՌԴ փոխվարչապետն այցով Արցախում է
Քաղաքականություն
16.04.2026 | 14:13
Ռուսաստանի փոխվարչապետ Ալեքսեյ Օվերչուկը այցով Արցախում է։ Ադրբեջանական լրատվամիջոցները հաղորդում են, որ ադրբեջանա-ռուսական միջկառավարական հանձնաժողովի անդամները Զանգիլանի շրջանի (Կովսական) Աղալի գյուղում ծանոթացել են շինարարական և վերականգնողական աշխատանքներին։
Հյուրերին ներկայացվել են «Խելացի գյուղ» նախագծի շրջանակում իրականացվող աշխատանքները, որի հիմքը դրվել է 2021 թվականի ապրիլին։ Նշվել է, թե նախագծի շրջանակում գյուղում կառուցվել են 200 էկոլոգիապես մաքուր մասնավոր տներ, 360 աշակերտի համար նախատեսված դպրոց և 60 երեխայի համար նախատեսված մանկապարտեզ՝ օգտագործելով նորարարական շինանյութեր։
Հաղորդվում է, որ միջկառավարական հանձնաժողովի 24-րդ նիստը համանախագահելու են Ադրբեջանի փոխվարչապետ Շահին Մուստաֆաևը և Ռուսաստանի փոխվարչապետ Ալեքսեյ Օվերչուկը։ Մասնակցելու են երկու երկրների համապատասխան նախարարությունների և այլ գերատեսչությունների ներկայացուցիչներ։
Թարգմանությունը՝ Էմմա Չոբանյանի
