17.08.2026 | 15:55
Շիրակի մարզի 6 քարհանքից գողություններ կատարելու կասկածանքով երկու տղամարդ է ձերբակալվել
Թրամփը կցանկանար Պուտինին տեսնել ԱՄՆ-ում կայանալիք G20-ի գագաթնաժողովում, բայց կասկածում է, որ նա կմասնակցի
Քաղաքականություն
24.04.2026 | 13:30
ԱՄՆ նախագահ Դոնալդ Թրամփը հայտարարել է, որ կցանկանար ՌԴ նախագահ Վլադիմիր Պուտինին տեսնել դեկտեմբերի կեսերին Մայամիում կայանալիք G20-ի գագաթնաժողովին, գրում է BBC-ի ռուսական ծառայությունը։
Ավելի վաղ ՌԴ փոխարտգործնախարար Ալեքսանդր Պանկինը հայտարարել էր, որ Ռուսաստանն ԱՄՆ-ից հրավեր է ստացել՝ մասնակցելու G20 գագաթնաժողովին․ «Կա հրավեր ամենաբարձր մակարդակով մասնակցության համար»։
Հինգշաբթի The Washington Post-ը, հղում անելով Պետքարտուղարության հայտարարությանը, հայտնել է, որ ԱՄՆ-ն աջակցում է Ռուսաստանի մասնակցությանը գագաթնաժողովին, չնայած Պուտինին պաշտոնական հրավեր դեռևս չի ուղարկվել։
«Ես չգիտեմ՝ նա կգա՞, թե՞ ոչ։ Անկեղծ ասած՝ կասկածում եմ, որ կգա։ Եթե գար, օգտակար կլիներ»,- ասել է ԱՄՆ նախագահը։
Միաժամանակ, նա կրկին քննադատել է նախկին նախագահ Բարաք Օբամային՝ Ռուսաստանին G8-ից բացառելու որոշման համար (Ղրիմի բռնակցմանն ի պատասխան)։
«Նախագահ Պուտինը շատ վիրավորված էր դրանից, և արդարացի է»,- հայտարարել է Թրամփը։
Այս տարի Միացյալ Նահանգները նախագահում է G20-ում: Մայամիի գագաթնաժողովի պաշտոնական կայքում Ռուսաստանը նշված է մասնակցության համար նախատեսված երկրների շարքում: Հանդիպումը տեղի է ունենալու դեկտեմբերի 14-15-ին:
Թարգմանությունը՝ Էմմա Չոբանյանի
