24.08.2026 | 23:26
Ծանրորդ Տիգրան Ավետիսյանը՝ Եվրոպայի Մ15 տարեկանների չեմպիոն
ՄԱՍԿ-ը 2-2,5 տոկոսից ավելի չէր ստանալու, որոշեցինք չմասնակցել․ Հակոբ Ասլանյանը՝ ընտրություններին չմասնակցելու որոշման մասին
Քաղաքականություն
23.04.2026 | 17:23
Հովիկ Աղազարյանի և Հակոբ Ասլանյանի հիմնած «Միացյալ ազգային սոցիալիստական կուսակցություն»-ը (ՄԱՍԿ) որոշում է կայացրել չմասնակցել ընտրություններին։ Factor.am-ի հարցին ի պատասխան կուսակցության համահիմնադիրներից Հակոբ Ասլանյանը նշեց, որ ներքին հարցումներ են իրականացրել և պարզել, որ անցողիկ շեմը չեն հաղթահարում։
«Հարցումների համաձայն՝ մենք 2-2,5 տոկոսից ավելի չէինք հավաքելու, իսկ դա լինելու էր քվեների փոշիացում։ Այդ փոշիացումն օգուտ էր ՔՊ-ին, իսկ ՔՊ-ին մենք չէինք կարող օգնել»,- ասաց Հակոբ Ասլանյանը։
Հակոբ Ասլանյանը նշեց, որ իրենց ընտրողներին հորդորելու են իրենց քվեները տալ ընդդիմադիր ցանկացած ուժի, բայց ոչ իշխող կուսակցությանը։
Հիշեցնենք՝ Հակոբ Ասլանյանը և Հովիկ Աղազարյանը երկուսն էլ ՔՊ պատգամավորներ են եղել։ Նրանք կուսակցությունից հեռացան այն բանից հետո, երբ Աղազարյանը խնդիրներ ունեցավ Նիկոլ Փաշինյանի հետ և հրաժարվեց մանդատը վայր դնել։
Նարեկ Կիրակոսյան
