14.09.2026 | 15:03
Իրանը կանչել է Ավստրիայի դեսպանին՝ Վիեննայում կայանալիք միջուկային համաժողովին իր պաշտոնյայի մասնակցությունը խոչընդոտելու համար
8 կուսակցություն և 1 դաշինք ներկայացրել են փաստաթղթերը. ԿԸՀ խոսնակ․ ՏԵՍԱՆՅՈՒԹ
Քաղաքականություն
23.04.2026 | 16:28
Կենտրոնական ընտրական հանձնաժողով առաջադրման հայտ ներկայացրած կուսակցություններն ու դաշինքներն են․ «Քաղաքացիական պայմանագիր» կուսակցություն, «Բարգավաճ Հայաստան» կուսակցություն, Հայաստանի շնորհապետական կուսակցություն, «Բոլորին դեմ եմ» ժողովրդավարական կուսակցություն, «Ուժեղ Հայաստան» դաշինք, կազմում՝ «Ուժեղ Հայաստան» կուսակցություն, «Նոր դարաշրջան» կուսակցություն, «Միավորված հայեր» կուսակցություն։
Բացի այդ, առաջադրման հայտ է ներկայացրել «Ժողովրդավարական համախմբում» կուսակցությունը, «Լուսավոր Հայաստան» կուսակցությունը և «Ազգային ժողովրդավարական բևեռ» համահայկական կուսակցությունը։
Առաջադրման վերջնաժամկետը 18։00-ն է, որից հետո կսկսվի գրանցումը։
«Ուզում եմ նաև ընդգծել, որ լրանում է նաև օգտահաշիվ ստանալու վերջնաժամկետը, որովհետև ընտրություններին մասնակցել ցանկացող կուսակցության դաշինքի համար պարտադիր է ունենալ օգտահաշիվը և նաև տեղեկացնեմ, որ ընդամենը մեկ ժամ առաջ մենք ստացել ենք նաև նոր քաղաքական ուժի կողմից օգտահաշիվ ստանալու հայտ։ Այսինքն, այս դիմումները իրենք կարող են ուղարկել մինչև 18:00-ն։ Դրանից հետո համակարգը ինքնաշխատ կերպով փակվելու է և այլևս հայտ չենք կարող ընդունել»,- նշեց ԿԸՀ մամուլի քարտուղար Սեդա Ղուկասյանը։
Մանրամասները՝ տեսանյութում։
