28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Լիբանանն ու Իսրայելը Վաշինգտոնում կքննարկեն հրադադարի երկարաձգումը
Քաղաքականություն
23.04.2026 | 13:07
Վաշինգտոնում այսօր սպասվում է Իսրայելի և Լիբանանի պաշտոնյաների միջև ուղիղ բանակցությունների երկրորդ փուլը։ Ըստ հաղորդագրությունների՝ պաշտոնյաները քննարկելու են անցյալ ուրբաթ ուժի մեջ մտած 10-ամյա հրադադարի ժամկետը երկարաձգելու հարցը, գրում է DW-ն։
Բեյրութն ազդարարել է, որ առաջիկա օրերին հրադադարի ժամկետը լրանալուց առաջ կխնդրի մեկամսյա երկարաձգում։ Լիբանանցի պաշտոնյաները նաև ծրագրում են բանակցությունների ընթացքում մտահոգություններ հայտնել հարավում իսրայելական զինվորականների կողմից իրականացված լայնածավալ ավերածությունների վերաբերյալ։
Բանակցությունները տեղի են ունենում Լիբանանի վրա Իսրայելի օդային հարվածներից մեկ օր անց, որոնց հետևանքով զոհվել է առնվազն հինգ մարդ, այդ թվում՝ լիբանանցի լրագրող Ամալ Խալիլը։
Լիբանանի իշխանությունները հայտնում են, որ պատերազմի սկսվելուց ի վեր Իսրայելի հարձակումների հետևանքով զոհվել է առնվազն 2,454 մարդ։
Իսրայելի արտաքին գործերի նախարար Գիդեոն Սաարը չորեքշաբթի հայտարարել էր, որ Իսրայելը «լուրջ տարաձայնություններ» չունի Լիբանանի հետ՝ «Հըզբոլլահ» զինյալ խմբավորումն անվանելով «խաղաղության և հարաբերությունների կարգավորման խոչընդոտ»։
«Հըզբոլլահ»-ի պատգամավորը AFP լրատվական գործակալությանը հայտնել է, որ խումբը կարող է ընդունել Իսրայելի հետ անուղղակի բանակցությունները՝ Միացյալ Նահանգների միջնորդությամբ։
Թարգմանությունը՝ Էմմա Չոբանյանի
