27.07.2026 | 16:52
Զելենսկին պնդում է, թե ՌԴ-ն պատրաստվում է Հյուսիսային Կորեայից լրացուցիչ 30,000 զինվորականի ներգրավել
ՀԲՖ․ Մրցավարները ցանկանում էին իրենց «սև գործն» անել նաև Ռուդոլֆ Գարբոյանի մենամարտի ժամանակ
23.04.2026 | 11:11
Բրազիլիայում շարունակվող բռնցքամարտի աշխարհի գավաթի խաղարկության երրորդ օրը Հայաստանի ներկայացուցիչներից հաղթանակ է տարել միայն Ռուդոլֆ Գարբոյանը (50 կգ)։
Հայաստանի բռնցքամարտի ֆեդերացիան հայտնել է, որ մենամարտն անցել է մրցավարական սխալների պայմաններում։
«Հերթական «գերճշգրիտ» գործողությունները WORLD BOXING-ի աշխարհի գավաթում` մրցավարների կողմից։ Այնպիսի տպավորություն է, որ այստեղ մրցավարները զուրկ են տարրական գիտելիքներից։ Այս անգամ նրանք ցանկանում էին իրենց «սև գործն» անել Ռուդոլֆ Գարբոյանի մենամարտի ժամանակ։ Բարեբախտաբար մեր մարզիչների կոշտ արձագանքից հետո ամեն ինչ շտկվեց ու հաղթանակը տվեցին Գարբոյանին։ Իսկ, թե ինչ է կատարվել, դիտեք տեսանյութում»,- նշված է ՀԲՖ հաղորդագրության մեջ։
Ավելի վաղ ՀԲՖ-ն հայտնել էր, որ Արթուր Բազեյանը (60 կգ) և Արարատ Հարությունյանը (70 կգ) պարտվել են խայտառակ մրցավարության պատճառով։
