24.06.2026 | 05:04
ԱԱ-2026. Խորվաթիան տարավ առաջին հաղթանակը. ՏԵՍԱՆՅՈՒԹ
Մինչ այս պահը 3 կուսակցություն է ընտրություններին մասնակցելու փաստաթուղթ ներկայացրել. ԿԸՀ խոսնակ․ ՏԵՍԱՆՅՈՒԹ
Քաղաքականություն
22.04.2026 | 16:07
Մինչ այս պահը մենք ունենք երեք առաջադրում․ «Քաղաքացիական պայմանագիր» կուսակցությունն է ներկայացրել փաստաթղթերը, «Բարգավաճ Հայաստան» կուսակցությունը, և քիչ առաջ այստեղ էր Հայաստանի շնորհապետական կուսակցությունը։ Այս մասին Կենտրոնական ընտրական հանձնաժողովի մոտ հավաքված լրագրողներին ասաց հանձնաժողովի մամուլի քարտուղար Սեդա Ղուկասյանը։
ԿԸՀ են այցելելու նաև «Ուժեղ Հայաստանի» ներկայացուցիչները։
«Այսօրվա դրությամբ մենք ունենք 23 օգտահաշվի բացման դիմում կուսակցություններից և դաշինքներից։ Յուրաքանչյուր կուսակցություն կամ դաշինք, եթե ցանկանում է մասնակցել ընտրություններին, ինքը պարտադիր պետք է դիմի Կենտրոնական ընտրական հանձնաժողովին օգտահաշիվ ստանալու համար, որպեսզի կարողանան հետագայում իրենց ընտրական ցուցակները նաև ներբեռնեն այդտեղ։ Այս պահին մենք ունենք 23 հայտ, բայց խնդրում եմ նաև ֆիքսել, որ դա ամենևին չի նշանակում, որ մենք այդքան առաջադրում ենք ունենալու, որովհետև օգտահաշիվ ունենալը դեռևս չի նշանակում դիմել առաջադրման համար»,- նշեց նա։
Սեդա Ղուկասյանի խոսքով՝ և՛ օգտահաշվի, և՛ առաջադրման փաստաթղթեր ներկայացնելու վերջնաժամկետը ապրիլի 23-ի 18:00-ն է։
Մանրամասները՝ տեսանյութում։
