02.07.2026 | 13:35
Մինչև ընտրարշավի մեկնարկն արդեն 50-ից ավելի քաղբանտարկյալ ունեինք․ Հայկ Մամիջանյան․ ՏԵՍԱՆՅՈՒԹ
Ուկրաինան դիմել է Թուրքիային՝ Զելենսկիի և Պուտինի հանդիպումը հյուրընկալելու խնդրանքով
Քաղաքականություն
22.04.2026 | 13:42
Ուկրաինան խնդրել է Թուրքիային՝ հյուրընկալել Ուկրաինայի և Ռուսաստանի նախագահներ Վլադիմիր Զելենսկիի ու Վլադիմիր Պուտինի հանդիպումը։ Երկրի ԱԳ նախարար Անդրեյ Սիբիհան հայտարարել է, որ Կիևը ձգտում է վերսկսել սառեցված խաղաղության բանակցությունները, գրում է Reuters-ը։
«Մենք այդ, մասին հարցրել ենք թուրքերին, մենք հարցրել ենք մի քանի այլ մայրաքաղաքների»,- հավելել է Սիբիհան։
Նա նշել է, որ Ուկրաինան պատրաստ կլինի քննարկել Պուտինի հետ հանդիպման համար ցանկացած հարմար վայր՝ Բելառուսից կամ Ռուսաստանից զատ, ինչը Զելենսկին վաղուց է փորձում անել՝ ավելի քան չորս տարի տևած պատերազմի հանգուցալուծումն արագացնելու համար։
Սիբիհան չի նշել, թե ինչպես է Անկարան արձագանքել առաջարկին։
«Մենք հատուկ դիմել ենք թուրքերին։ Բայց եթե, Մոսկվայից և Մինսկից բացի, մեկ այլ մայրաքաղաք կազմակերպի նման հանդիպում, մենք կգնանք»,- ասել է պաշտոնյան։
Կրեմլը նախկինում հայտարարել էր, որ պատրաստ է Զելենսկիին հյուրընկալել Մոսկվայում, սակայն Ուկրաինայի առաջնորդը հայտարարել էր, որ չի գնա։
Սիբիհան ավելի վաղ հայտարարել էր, թե Զելենսկին պատրաստ է հանդիպել Պուտինի հետ՝ Թուրքիայի նախագահ Ռեջեփ Թայիփ Էրդողանի և ԱՄՆ նախագահ Դոնալդ Թրամփի մասնակցությամբ։
Թարգմանությունը՝ Էմմա Չոբանյանի
