22.04.2026 | 13:34
Քննարկվել են Կոտայքի մի շարք հուշարձանների ամրակայման, վերականգնման և պահպանության հարցեր
ՀԾԿՀ-ն նվազեցրել է ՀԷՑ-ի նոր միացումների և հզորությունների ավելացման սակագները
Տնտեսություն
22.04.2026 | 12:12
Հանրային ծառայությունները կարգավորող հանձնաժողովը որոշում է ընդունել մինչև 40 տոկոսով նվազեցնել ՀԷՑ-ի նոր բաժանորդ դառնալու, իսկ մինչև 55 տոկոսով՝ էլեկտրաէներգիայի հզորությունների ավելացման կամ նոր հզորությունների միացման վճարները։ Հայաստանի էլեկտրական ցանցերի ժամանակավոր կառավարիչ Ռոմանոս Պետրոսյանը գրառմամբ տեղեկացնում է, որ որոշումը ուժի մեջ կմտնի հրապարակմանը հաջորդող օրը։
«Այսօր ՀՀ հանրային ծառայությունները կարգավորող հանձնաժողով-ն իր նիստում ընդունեց ՀԷՑ-ի նոր բաժանորդ դառնալու (սպառման էներգահամակարգը բաշխման ցանցին միացնելու) սակագները ֆիզիկական և իրավաբանական անձանց համար մինչև 40%-ով նվազեցնելու, իսկ էլեկտրաէներգիայի հզորությունների ավելացման կամ նոր հզորությունների միացման վճարները՝ մինչև 55%-ով նվազեցնելու Որոշումը։
Որոշումն ուժի մեջ կմտնի այն հրապարակելու հաջորդ օրը (ենթադրաբար՝ վաղը):
Շնորհակալություն եմ հայտնում թե՛ ՀԾԿՀ-ին, և թե՛ ՀԷՑ-ի ողջ անձնակազմին այս կարևորագույն քաղաքացիակենտրոն բարեփոխման համար. շնորհավո՛ր բոլորիս։
ՀԷՑ-ն այլևս ծառայում է մեր ժողովրդին»,- գրել է Պետրոսյանը։
