17.08.2026 | 14:58
«Պրեմիում» ապրանքանիշի մոխիտոյի արտադրությունը կասեցվել է․ նմուշը չի համապատասխանել նորմերին
Նրանք ներողություն խնդրեցին․ Արման Ծառուկյանը՝ ինքնաթիռից իջեցման միջադեպի մասին
20.04.2026 | 15:51
UFC-ի թեթև քաշային կարգի դասակարգման երկրորդ համար Արման Ծառուկյանն անդրադարձել է միջադեպին, երբ իրեն ԱՄՆ-ում իջեցրել էին ինքնաթիռից American Airlines-ի՝ Լոս Անջելեսից Ֆիլադելֆիա թռիչքից առաջ։
«Երբ մենք դուրս եկանք ինքնաթիռից, մարդիկ սկսեցին մոտենալ ինձ ու լուսանկարվել։ Այդ ժամանակ ավիաընկերությունից հասկացան, որ հայտնի ինչ-որ մարդ է։ Նրանք ներողություն խնդրեցին և ասացին, որ սխալվել են՝ առաջարկելով տրամադրել հաջորդ չվերթի բիզնես կարգի տոմս։ Ես ասացի, որ ցանկանում եմ մեկնել այդ ինքնաթիռով, որն ընդամենը 20 մետր էր հեռացել։ Նրանք ասացին, որ դա հնարավոր չէ և առաջարկեցին մեկնել Ատլանտա, իսկ հետո՝ Ֆիլադելֆիա։ Ես հրաժարվեցի, քանի որ ուղևորությունը երկար էր»,- բլոգեր Ադամ Զուբարաևի հետ զրույցում ասել է Արման Ծառուկյանը։
Հիշեցնենք, որ Ֆիլադելֆիայում հայ մարտիկը մասնակցել էր RAF (Real American Wrestling) լիգայի հերթական մրցաշարին և ազատ ոճի ըմբշամարտի կանոններով մրցել ամերիկացի Յուրայա Ֆայբերի հետ՝ հաղթելով 13։1 հաշվով։
