04.06.2026 | 19:31
«Բարգավաճ Հայաստան» կուսակցության հանրահավաքն Ազատության հրապարակում. ՈՒՂԻՂ
Արման Ծառուկյանին ԱՄՆ-ում իջեցրել են ինքնաթիռից․ ՏԵՍԱՆՅՈՒԹ
17.04.2026 | 15:55
UFC-ի թեթև քաշային կարգի դասակարգման երկրորդ համար Արման Ծառուկյանին ԱՄՆ-ում իջեցրել են ինքնաթիռից։ Այդ մասին սոցիալական ցանցերում հայտնել է ռուսաստանցի բլոգեր Ադամ Զուբարաևը, որը նույնպես եղել է ինքնաթիռում։
«Արման Ծառուկյանին ու իր երկու ընկերներին իջեցրել են ինքնաթիռից American Airlines-ի՝ Լոս Անջելեսից Ֆիլադելֆիա թռիչքից առաջ։ Պատճառն այն էր, որ նրա թիմի անդամներից մեկն օգտվում էր հեռախոսից այն պահին, երբ ինքնաթիռը պատրաստվում էր թռիչքի, իսկ մյուս ընկերը բացել էր սեղանը։ Լիակատար խելագարություն է»,- սոցցանցերում գրել է Ադամ Զուբարաևը։
Հիշեցնենք, որ ապրիլի 18-ին Արման Ծառուկյանը Ֆիլադելֆիայում մասնակցելու է RAF (Real American Wrestling) լիգայի հերթական մրցաշարին։ RAF 08 մրցաշարում հայ մարտիկն ուժերը կչափի ամերիկացի Յուրայա Ֆայբերի հետ։ Մարտիկներն ազատ ոճի ըմբշամարտի կանոններով կմրցեն միջին քաշային կարգում (79 կգ)։
29-ամյա Ծառուկյանը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
