27.07.2026 | 15:58
Լիտվան ցանկանում է երկրում ելույթ ունեցող ռուս արտիստներին պարտավորեցնել՝ հակապատերազմական հռչակագիր ստորագրեն
Տուապսեում նավթավերամշակման գործարանի վրա ԱԹՍ-ների հարձակումից հետո ծովում նավթային հետք է առաջացել
Քաղաքականություն
20.04.2026 | 16:39
Տուապսեի ծովային տերմինալի վրա ապրիլի լույս 16-ի գիշերը ուկրաինական անօդաչու թռչող սարքերի հարձակումից հետո ծովում առաջացել է 10,000 քառակուսի մետր նավթային հետք։ Այս մասին հաղորդում է Կրասնոդարի երկրամասի օպերատիվ շտաբը Telegram-ում, գրում է BBC ռուսական ծառայությունը:
Արտահոսքը հայտնաբերվել է արբանյակային պատկերների միջոցով կիրակի՝ ապրիլի 19-ին: Նշվում է, որ այն գտնվում է Տուապսե նավահանգստից մեկուկես մղոն հեռավորության վրա: Ներկայում աշխատանքներ են տարվում այն տեղայնացնելու համար։ Ավելին, նավթամթերքը թափվել է Տուապսե գետը:
Ապրիլի 16-ի գիշերը Տուապսեի ծովային տերմինալում բռնկված հրդեհը հաջողվել է մարել միայն ապրիլի 19-ին։ Լույս երկուշաբթի գիշերը Տուապսեի ծովային նավահանգիստը կրկին հարձակման է ենթարկվել, ինչի հետևանքով ևս հրդեհ է բռնկվել:
Ուկրաինական ուժերը հարվածել են Տուապսեի նավթավերամշակման գործարանին, հայտնել է Ուկրաինայի զինված ուժերի Գլխավոր շտաբը։
«Գրանցվել է հարված պահուստարանների կայանին, որին հաջորդել է օբյեկտում հրդեհ»,- պարզաբանել է Գլխավոր շտաբը։
Թարգմանությունը՝ Էմմա Չոբանյանի
