06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Ուկրաինական ԱԹՍ-ները կրկին Տուապսեի նավթավերամշակման գործարանին են հարվածել. մեկ մարդ է զոհվել
Քաղաքականություն
20.04.2026 | 12:44
Ուկրաինական ԱԹՍ-ները կրկին Տուապսեի նավթավերամշակման գործարանին են հարվածել՝ խոշոր հրդեհ առաջացնելով։ Մեկ մարդ զոհվել է։ Կրասնոդարի նահանգապետ Վենիամին Կոնդրատևի խոսքով՝ մահացած տղամարդը հարձակման պահին եղել է նավահանգստում, որտեղ բռնկվել է հրդեհը։ Նա նաև հայտնել է, որ անօդաչու թռչող սարքերը վնասել են գազատարը, գրում է Current time-ը։
Astra-ն հաղորդում է, որ գիշերը Տուապսեի նավթավերամշակման գործարանի պահեստում խոշոր հրդեհ է բռնկվել:
Ուկրաինայի գլխավոր շտաբը, սակայն, չի հաստատել Տուապսեի նավթավերամշակման գործարանի վրա վերջին հարձակումը։
Մինչ այս, Տուապսեի նավթավերամշակման գործարանը հարձակման էր ենթարկվել ապրիլի լույս 16-ի գիշերը։ Բռնկված հրդեհը մարվել էր միայն ապրիլի 19-ին։
Տուապսեի նավթավերամշակման գործարանը և դրա ծովային տերմինալը «Ռոսնեֆտ»-ի մաս են կազմում, որը Վլադիմիր Պուտինի մտերիմ ընկեր և դաշնակից Իգոր Սեչինի կողմից վերահսկվող ընկերություն է։ Ուկրաինան Տուապսեի նավթային ենթակառուցվածքները թիրախավորել էր 2025 թվականի մարտին, նոյեմբերին և դեկտեմբերին։
Թարգմանությունը՝ Էմմա Չոբանյանի
