20.04.2026 | 15:36
Փլուզում խանութ-սրահում. տրակտորն ընկել է նկուղային հարկ․ երկու քաղաքացի տուժել է
Խցանումների որոշ զանգված կապված է սխալ տեղում կայանած մեքենաների հետ․ Ավինյան․ ՏԵՍԱՆՅՈՒԹ
Տնտեսություն
20.04.2026 | 12:35
Քաղաքապետ Տիգրան Ավինյանը գործակարգավարական նիստին, անդրադառնալով ՏԻՄ օրենքի նոր փաթեթին, ընդգծեց, որ քաղաքի երթևեկության ծանրաբեռնվածության մի մասը կապված է սխալ կայանման հետ։
Ավինյանի խոսքով՝ թեև Երևանի ՏԻՄ օրենքի փոփոխությունների նախագծում ի սկզբանե նախատեսված էր քարշակների գործառույթը քաղաքապետարանին փոխանցելու հնարավորություն, այդ դրույթը հանվել է՝ ՆԳՆ-ի առաջարկով։ Փոխարենը, Ներքին գործերի նախարարությունը ստանձնել է պարտավորություն՝ էապես ակտիվացնել սխալ կայանված մեքենաների տարհանումը։
«Ահռելի ծավալի խախտումներ ունենք և դրանց զգալի մասը ուղղակիորեն նպաստում է խցանումների ձևավորմանը»,- նշեց Ավինյանը՝ հույս հայտնելով, որ քարշակման ինտենսիվացումը կթեթևացնի երթևեկությունը։
Խցանումների բեռնաթափման համատեքստում Ավինյանը նաև կարևորեց ճանապարհային ենթակառուցվածքների արդյունավետ կառավարումը։ Օրինակ՝ Հրազդանի կիրճում նախատեսվող շինաշխատանքների ընթացքում քննարկվել է ճանապարհահատվածների ժամանակավոր օգտագործումը որպես շինհրապարակ, ինչը ենթադրում է նաև երթևեկության վերակարգավորում։
Միևնույն ժամանակ, քաղաքային իշխանությունները ակնկալում են որոշակի թեթևացում արդեն մայիսի 1-ից, երբ կբացվի երկար ժամանակ փակված ճանապարհահատվածը՝ նախագահական նստավայրի հետնամասում։ Ավինյանի գնահատմամբ՝ դրա գործարկումը կօգնի վերաբաշխել երթևեկությունը Բաղրամյան, Սիլվա Կապուտիկյան, Վերին Անտառային և հարակից փողոցներում՝ նվազեցնելով գերբեռնվածությունը։
Մանրամասները՝ տեսանյութում:
