13.05.2026 | 17:20
ԱՄՆ-ի և Չինաստանի առևտրային ներկայացուցիչները բանակցություններ են վարել Թրամփ-Սի գագաթնաժողովից առաջ
40 մլն դրամ ԱԳՆ-ին՝ Եվրոպական քաղաքական համայնքի գագաթնաժողովի կազմակերպման համար
Տնտեսություն
18.04.2026 | 15:48
ՀՀ կառավարության այսօրվա նիստում ընդունված որոշման համաձայն՝ պահուստային ֆոնդից 40 մլն 40 հազար դրամ կհատկացվի ԱԳՆ-ին։ Այս գումարն անհրաժեշտ է Երևանում կայանալիք Եվրոպական քաղաքական համայնքի 8-րդ գագաթնաժողովի կազմակերպման շրջանակներում հեռահաղորդակցության միջոցներ և սարքավորումներ ձեռք բերելու համար։
Հաշվի առնելով հարցի հրատապությունը՝ որոշվել է գնումն իրականացնել մեկ անձից գնման ընթացակարգով, իսկ անհրաժեշտ սարքերը պետք է մատակարարվեն մինչև 2026 թվականի ապրիլի 20-ը։
Հայտնի է նաև, որ ԱԳՆ-ի ուղարկած հարցումներին 4 կազմակերպություններից արձագանքել են միայն երկուսը՝ «ՀԵՆՄԱՐՔՈՄ» և «Տոպազ-95» ընկերությունները։
Հիշեցնենք, որ Եվրոպական քաղաքական համայնքի գագաթնաժողովը տեղի կունենա մայիսի 4-ին, որը կառավարության որոշմամբ Հայաստանում կլինի ոչ աշխատանքային օր։
