Անհարգալից կլինի, եթե մտածեմ` կան մարդիկ, որ այդ ուժերի մարտահրավերը կուլ կտան և կընտրեն նրանց. Փաշինյան․ ՏԵՍԱՆՅՈՒԹ

«Ես չեմ կարող հավատալ, կներեք, հազար ներողություն, եթե հիմա ասեմ, գիտեք ինչ, կարող է «Ուժեղ Հայաստանը», «Հայաստան» դաշինքը, ուժեղ ՀՀԿ-ն և ԲՀԿ-ն անցնեն խորհրդարան, նշանակում է իմ մտքով անցկացնեմ, որ Հայաստանի Հանրապետությունում էդքան ժեխ ու շունուշանգյալ կա, որ կարող է իրենց օգտին քվեարկել»,- երեկ խորհրդարանում հայտարարել էր վարչապետ Նիկոլ Փաշինյանը։

Factor TV-ին այսօր վարչապետի ճեպազրույցի ժամանակ հետաքրքրվեց` արդյոք ճնշում չի գործադրում քաղաքացիների ազատ կամարտահայտման վրա, որոնք կնախընտրեն ոչ թե իշխանություններին քվե տալ, այլ ընդդիմադիր ուժերին։

«Իրենք պիտակավորելով իրենց պոտենցիալ ընտրողներին՝ որպես այդպիսին, և ես ասում եմ՝ չեմ կարող․․․ նախ Հայաստանի Հանրապետության բոլոր քաղաքացիներին կոչ եմ անում իրենց քաղաքական դիրքորոշմամբ ցույց տալ, թե ով է իրականում շունուշանգյալն ու բոշան՝ նկատի ունենալով պատերազմի եռագլուխ կուսակցության վերնախավին։

Եվ այո՛, շատ անհարգալից կլինի իմ կողմից, եթե ես մտածեմ, որ Հայաստանի Հանրապետությունում կան քաղաքացիներ, որոնք պատրաստ են պատերազմի եռագլուխ կամ որ նույնն է՝ նախկինների եռագլուխ կուսակցության ներկայացուցիչների մարտահրավերը կուլ տալ և այդպիսի քաղաքական ընտրություն կատարել։

Ընդդիմությունը մենակ էդ երեքը չեն, էլի ընդդիմություններ կան, որոնք ո՛չ ժեխ են ասում, ո՛չ շունուշանգյալ են ասում, և ընդհանրապես ինձ համար Հայաստանի քաղաքացիները 2018 թվականից ունեն ազատ կամարտահայտման իրավունք և ո՛չ, քավ լիցի, մտքովս էդպիսի բան չի կարող անցնել, որովհետև դա կհակասի իմ քաղաքական ինքնությանը և իմ քաղաքական ծագումնաբանությանը»,- ասաց նա։

Մանրամասները` տեսանյութում։