05.09.2026 | 13:49
Էլիզա Գասպարյանը որոնվում է որպես անհետ կորած
Օրինապահ հարկ վճարողի կարգավիճակ ունենալը կարող է առավելություն տալ մրցույթներում․ Փաշինյան․ ՏԵՍԱՆՅՈՒԹ
Տնտեսություն
18.04.2026 | 11:00
«Մտածում եմ, որ օրինապահ հարկ վճարողի կարգավիճակ ունենալը կարող է լինել գործոն, որ մարդուն առավելություն տա մրցույթներում»,- այս մասին Կառավարության նիստի ժամանակ ասաց ՀՀ վարչապետ Նիկոլ Փաշինյանը։
Պետական եկամուտների կոմիտեի նախագահ Էդուարդ Հակոբյանը Կառավարության նիստին ներկայացրեց «Հարկային օրենսգրքում լրացումներ և փոփոխություններ կատարելու մասին» օրենքի նախագիծը։
Նախագծի առաջարկներից մեկը օրինապահ հարկ վճարողի հավաստագրի անժամկետ տրամադրումն է։ Տրամադրվող հավաստագրում պետք է նշվի հավաստագրի գործողության ժամկետի սկիզբը, բացառությամբ լիազորված տնտեսական օպերատորների ռեեստրում ընդգրկվելու համար տրամադրվող հավաստագրի, որը գործում է տրման օրվանից մինչև հավաստագրի տրման ամսվան հաջորդող 12-րդ ամսվա վերջին օրացուցային օրվա ավարտը:
Նիկոլ Փաշինյանը իր խոսքում շնորհակալություն հայտնեց հարկ վճարողներին և շեշտեց, որ հարկ վճարելը պետության հիմքն է։ Փաշինյանը բաժակի օրինակը բերեց՝ նշելով, որ յուրաքանչյուր գնում կատարող քաղաքացի արդեն իսկ հարկ է վճարում, և կարևորն այն է, որ այդ գումարը տնտեսվարողի մոտից հասնի պետական բյուջե։
Մանրամասները՝ տեսանյութում։
