09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Բաքուն հաջորդ տարի Ստեփանակերտում նախատեսում է երկաթուղային ու ավտոբուսային կայարանների համալիր բացել
Քաղաքականություն
17.04.2026 | 21:14
«Ադրբեջանի երկաթուղիներ» ՓԲԸ-ն նպատակ ունի երկրի բոլոր շրջանները դարձնել ավելի մատչելի ուղևորների համար, ընդլայնել գործունեության աշխարհագրությունը։ Այս նպատակով այն աստիճանաբար վերականգնում է երթուղիներն ու կայարանները համավարակից առաջ եղած մակարդակին, որպեսզի ապահովի ուղևորափոխադրումների կայուն զարգացումը։ Ըստ ադրբեջանական լրատվամիջոցների՝ այս մասին լրագրողների հետ հարցազրույցում ասել է «Ադրբեջանի երկաթուղիներ» ՓԲԸ փոխնախագահ Արիֆ Աղաևը՝ Քյուրդամիր կայարանի բացման և այդ առիթով խորհրդանշական գնացքի մեկնման ժամանակ։
Աղաևը նաև նշել է, որ ուղևորափոխադրումները 2025 թվականին ավելի են ընդլայնվել. Բաքու-Բալաքյան-Բաքու երթուղին վերականգնվել է տարեսկզբին, Բաքու-Ղազախ-Բաքու երթուղին՝ հունիսին, իսկ Բաքու-Ակնա-Բաքու երթուղին՝ օգոստոսին։ Նա հայտնել է, որ Աղդամ-Խանքենդի (Ակնա-Ստեփանակերտ) երկաթուղու և Ստեփանակերտի երկաթուղային ու ավտոբուսային կայարանային համալիրի բացումը նախատեսված է հաջորդ տարի։
Նշենք, որ դեռևս 2021 թվականի դեկտեմբերին, երբ Ստեփանակերտը չէր անցել Բաքվի վերահսկողությանը, «Ադրբեջանական երկաթուղիներ» ՓԲԸ-ի նախագահ Ջավիդ Գուրբանովը հայտարարել էր, որ Ադրբեջանը ծրագրում է երկաթուղի կառուցել քաղաքում։
Թարգմանությունը՝ Էմմա Չոբանյանի
