11.06.2026 | 12:19
Հռոմի պապն օծել է Բարսելոնայի Սագրադա Ֆամիլիա տաճարի նոր աշտարակը․ այն այժմ աշխարհի ամենաբարձր եկեղեցին է․ ՏԵՍԱՆՅՈՒԹ
Պատժամիջոցների տակ գտնվող իրանական լցանավը հատել է Հորմուզի նեղուցը՝ չնայած ԱՄՆ-ի շրջափակմանը
Քաղաքականություն
15.04.2026 | 16:03
Պատժամիջոցների տակ գտնվող իրանական սուպերլցանավը Հորմուզի նեղուցով անցել է դեպի Իրանի Իմամ Խոմեյնիի նավահանգիստ՝ չնայած ԱՄՆ-ի կողմից իրականացվող շրջափակմանը, հաղորդել է իրանական Fars լրատվական գործակալությունը, գրում է France 24-ը։
Fars-ի հաղորդմամբ՝ «շատ մեծ նավթակիրը» կարող էր տեղափոխել երկու միլիոն բարել նավթ, սակայն պարզ չէ՝ այն բեռնվա՞ծ է եղել, թե՞ դատարկ։
ԱՄՆ-ը դեռևս չի մեկնաբանել այս հաղորդագրությունը։
Տեղեկությունը հրապարակվում է այն բանից հետո, երբ ԱՄՆ Կենտրոնական հրամանատարության (CENTCOM) հրամանատարը երեքշաբթի հայտարարել էր, որ ամերիկյան ուժերն «ամբողջությամբ դադարեցրել են» դեպի Իրան և Իրանից ծովային առևտուրը։
«Շրջափակման կիրառումից հետո 36 ժամից էլ պակաս ժամանակահատվածում ԱՄՆ ուժերն ամբողջությամբ դադարեցրել են Իրանից և Իրանից ծովային ճանապարհով առևտուրը»,- ասել է ծովակալ Բրեդ Քուփերը։
CENTCOM-ը երկուշաբթի սկսել է արգելափակել իրանական նավահանգիստներ մտնող և դուրս եկող ծովային երթևեկությունը։
Թարգմանությունը՝ Էմմա Չոբանյանի
