06.10.2026 | 13:49
Հոկտեմբերի 6-ի երեկոյան և 7-ի գիշերը առանձին շրջաններում սպասվում են հորդառատ անձրևներ
Իրանին հանձնվել ստիպելու ցանկացած փորձ դատապարտված է ձախողման. Փեզեշքիան
Քաղաքականություն
15.04.2026 | 14:11
Իրանի նախագահ Մասուդ Փեզեշքիանը հայտարարել է, որ Իրանին հանձնվել ստիպելու ԱՄՆ-ի կամ Իսրայելի ցանկացած փորձ «դատապարտված է ձախողման, և իրանական ժողովուրդը երբեք չի ընդունի նման մոտեցումը», գրում է BBC-ն։
Թեհրանի արտակարգ իրավիճակների ծառայության պաշտոնյաների հետ հանդիպման ժամանակ Փեզեշքիանն ասել է, որ Թեհրանը պատերազմ կամ անկայունություն չի փնտրում։
«Իրանը չի ձգտում պատերազմի և անկայունության և միշտ շեշտը դնում է տարբեր երկրների հետ երկխոսության և կառուցողական փոխգործակցության վրա»,- ասել է նա։
Փեզեշքիանը քննադատել է միջազգային համակարգում առկա երկակի ստանդարտները՝ նշելով, որ այլ երկրների դեմ ցանկացած ռազմական գործողություն հակասում է համընդհանուր ընդունված սկզբունքներին և նշել. «Ի՞նչ լիազորությամբ և ի՞նչ հանցագործության համար է իրականացվել մեր երկրի վրա հարձակումը: Ի՞նչ արդարացում կա միջազգային իրավունքի և մարդասիրական սկզբունքների շրջանակներում քաղաքացիական անձանց, էլիտային, երեխաներին թիրախավորելու և կենսականորեն կարևոր կենտրոններ, այդ թվում՝ դպրոցներ և հիվանդանոցներ ոչնչացնելու համար»։
Նրա խոսքերը հնչում են այն բանից հետո, երբ Թրամփը հայտարարել է, որ ԱՄՆ-Իրան բանակցությունները կարող են վերսկսվել Պակիստանում «հաջորդ երկու օրվա ընթացքում», սակայն Թեհրանը դեռևս որևէ մեկնաբանություն չի արել։
Թարգմանությունը՝ Էմմա Չոբանյանի
