07.08.2026 | 13:29
Հայ ուշուիստները մեդալներ են նվաճել միջազգային մրցաշարում
Գյումրիում լրջագույն խնդիր ունենք ձմռանից հետո․ փողոցները քանդված են ու անանցանելի․ Էմմա Պալյան․ ՏԵՍԱՆՅՈՒԹ
Տնտեսություն
14.04.2026 | 18:03
ԱԺ «Քաղաքացիական պայմանագիր» խմբակցության պատգամավոր Էմմա Պալյանն Ազգային ժողովում անդրադարձավ Գյումրիում առկա խնդիրներին՝ նշելով, որ քաղաքում ձմռանից հետո փողոցաշինության հետ կապված լուրջ իրավիճակ է ստեղծվել։
Նրա խոսքով՝ Գյումրիում կան բազմաթիվ քանդված և երբեմն անանցանելի փողոցներ, ինչը դժգոհություն է առաջացնում բնակիչների շրջանում։
«Ուզում եմ բոլորին հիշեցնել, թե ինչից առաջացավ այս պատկերը։ Մեկ տարի առաջ Սերժ Սարգսյանի պատգամավոր Մարտուն Գրիգորյանը, ով մեկ գիշերվա ընթացքում հայտնվեց Ծառուկյան Գագիկի նախընտրական ցուցակում, ենթադրյալ հանցագործ Վարդանիկ Ղուկասյանին կարգեց Գյումրու համայնքապետ։ Ու այդ պահից սկսած պարզ էր, թե ինչ է սպասում Գյումրուն»,- ասաց իշխանական պատգամավորը։
Պալյանը նաև տեղեկացրեց, որ առաջիկայում նախատեսվում է սկսել ՎԶԵԲ ծրագրի իրականացումը, որի շրջանակում կհիմնանորոգվեն Անի և Ավստրիական թաղամասերը։
Բացի այդ, նրա խոսքով՝ արդեն մեկնարկել է Շիրակացի և Խորենացի փողոցների հիմնանորոգումը, որի համար Կառավարությունը հատկացրել է շուրջ 884 միլիոն 772 հազար դրամ։
Մանրամասները՝ տեսանյութում։
