27.07.2026 | 15:58
Լիտվան ցանկանում է երկրում ելույթ ունեցող ռուս արտիստներին պարտավորեցնել՝ հակապատերազմական հռչակագիր ստորագրեն
Հռոմի պապը հայտարարել է, որ «չի վախենում Թրամփի վարչակազմից»
Քաղաքականություն
13.04.2026 | 15:18
Հռոմի Լևոն XIV պապը հայտարարել է, որ «չի վախենում Թրամփի վարչակազմից» և շարունակելու է խոսել պատերազմի դեմ։ Այս հայտարարությունը հնչում է այն բանից հետո, երբ ԱՄՆ նախագահը քննադատել էր Իրանի հետ պատերազմի վերաբերյալ նրա մեկնաբանությունները, գրում է CNN-ը։
«Ես չեմ մտնելու բանավեճի մեջ։ Ասածներս որևէ մեկի վրա հարձակում չեն։ Ես բոլոր մարդկանց հրավիրում եմ փնտրել խաղաղության և հաշտեցման կամուրջներ կառուցելու, պատերազմից խուսափելու ճանապարհներ ցանկացած պահի, եթե դա հնարավոր է»,- պապական ինքնաթիռում լրագրողներին ասել է Լևոն XIV-ը։
Նա խոստացել է «շարունակել այն, ինչը համարում է Եկեղեցու առաքելությունն այսօրվա աշխարհում»։
«Ես չեմ վախենում Թրամփի վարչակազմից կամ Ավետարանի ուղերձի մասին բարձրաձայն խոսելուց, ինչը անելու համար ես այստեղ եմ, ինչի համար եկեղեցին այստեղ է։ Մենք քաղաքական գործիչներ չենք, մենք արտաքին քաղաքականության հետ գործ չենք ունենում նույն տեսանկյունից, ինչպես նա կարող է հասկանալ։ Բայց ես հավատում եմ Ավետարանի ուղերձին՝ որպես խաղաղարար»,- հայտարարել է Հռոմի պապը։
