26.10.2026 | 01:04
Մոտ 540 ձայնով պարտվել ենք Ստեփանավանում. ՔՊ-ական․ ՏԵՍԱՆՅՈւԹ
Իրանի խորհրդարանի խոսնակը հայտարարել է ԱՄՆ-ի հետ բանակցությունների համար երկու պայմանի մասին
Քաղաքականություն
10.04.2026 | 20:32
Իրանի խորհրդարանի խոսնակ Մոհամմադ Բաղեր Ղալիբաֆը կասկածի տակ է դրել ԱՄՆ-ի հետ բանակցությունները՝ պահանջելով հրադադար հաստատել Լիբանանում և ազատել «արգելափակված ակտիվները»՝ նախքան որևէ բանակցություն սկսելը։
«Կողմերի միջև փոխադարձ համաձայնեցված միջոցառումներից երկուսը դեռևս չեն իրականացվել՝ Լիբանանում հրադադարը և Իրանի արգելափակված ակտիվների ազատումը բանակցությունների մեկնարկից առաջ։ Այս երկու կետերը պետք է կատարվեն բանակցությունների մեկնարկից առաջ»,- գրել է նա X-ում։
Արգելափակված ակտիվների ազատման պահանջը կրկնվող հարց է եղել անցյալ բանակցություններում, սակայն առաջին անգամ է, որ այն բարձրացվում է որպես առաջիկա հրադադարի բանակցությունների նախապայման։
Իրանը և միջնորդ Պակիստանը պնդում են, որ Լիբանանը, որը շարունակում է ենթարկվել Իսրայելի հարձակմանը, ներառված է եղել այս շաբաթ ուժի մեջ մտած հրադադարի որոշման մեջ, սակայն ԱՄՆ պաշտոնյաները և Իսրայելը հերքել են այդ պնդումը։ ԱՄՆ-ի ու Իրանի բանակցություննեը նախատեսված են վաղը՝ Պակիստանի մայրաքաղաք Իսլամաբադում։
Թարգմանությունը՝ Էմմա Չոբանյանի
