21.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Իրանը հրաժարվում է Իսլամաբադում բանակցություններից՝ մինչև Լիբանանում հրադադար չհաստատվի. Tasnim
Քաղաքականություն
10.04.2026 | 10:43
Իրանի Tasnim լրատվական գործակալությունը հերքել է իրանական բանակցային պատվիրակության՝ Պակիստանի մայրաքաղաք Իսլամաբադ ժամանելու տեղեկությունը՝ նշելով, որ Թեհրանը չի մասնակցի Միացյալ Նահանգների հետ խաղաղության բանակցություններին, քանի դեռ Իսրայելը չի դադարեցրել Լիբանանին ուղղված հարվածները։ Գործակալության պնդմամբ՝ Իսլամաբադ Իրանի բանակցային թիմի ժամանման տեղեկությունը կեղծ է։
«Որոշ լրատվամիջոցների լուրը, թե Իրանի բանակցային թիմը ժամանել է Իսլամաբադ՝ ամերիկացիների հետ բանակցելու համար, բացարձակ կեղծ է։ Քանի դեռ Միացյալ Նահանգները չի կատարում Լիբանանում հրադադարի վերաբերյալ իր պարտավորությունը, և սիոնիստական ռեժիմը շարունակում է իր հարձակումները, բանակցությունները կասեցված են»,- Tasnim-ին հայտնել է տեղեկացված աղբյուրը։
Ավելի վաղ The Wall Street Journal-ը հայտնել էր, որ իրանական պատվիրակությունը ժամանել է Իսլամաբադ՝ Վաշինգտոնի հետ բանակցություններ սկսելու համար։
Միևնույն ժամանակ, Պակիստանը նախապատրաստվում է բանակցություններին, որոնք, ըստ պակիստանցի պաշտոնյաների, կընթանան նախատեսվածի համաձայն՝ շաբաթավերջին։
Վերջին զարգացումները տեղի են ունենում այն ժամանակ, երբ Իսրայելի հարձակումները Լիբանանի վրա ուժգնացել են՝ չնայած ԱՄՆ-ի և Իրանի կողմից երեքշաբթի հայտարարված և Պակիստանի միջնորդությամբ կնքված երկշաբաթյա հրադադարի հետ կապված շարունակական դիվանագիտական ջանքերին։
Թարգմանությունը՝ Էմմա Չոբանյանի
