29.09.2026 | 23:23
«Դեֆանս Հաուզինգ»-ը պարզաբանել է թաղամասում երեք մարդու մահվան դեպքի հանգամանքները
Վենսը Իրանին զգուշացրել է՝ չփորձել խաղալ ԱՄՆ-ի հետ
Քաղաքականություն
10.04.2026 | 18:02
ԱՄՆ փոխնախագահ Ջեյ Դի Վենսը երկրի ռազմաօդային ուժերի ինքնաթիռով մեկնել է Պակիստանի մայրաքաղաք Իսլամաբադ, որտեղ բարձր մակարդակի բանակցություններ է վարելու իրանցիների հետ, գրում է CNN-ը։
«Մենք անհամբեր սպասում ենք բանակցություններին։ Կարծում եմ՝ դրանք դրական կլինեն։ Ինչպես ասաց Միացյալ Նահանգների նախագահը՝ եթե իրանցիները պատրաստ են բարի կամքով բանակցել, մենք, անշուշտ, պատրաստ ենք նրանց ձեռք մեկնել։ Եթե նրանք փորձելու են խաղալ մեզ հետ, ապա կտեսնեն, որ բանակցային թիմն այդքան էլ ընկալունակ չէ»,- մեկնելուց առաջ լրագրողներին ասել է Վենսը։
Ըստ նրա՝ Թրամփը բանակցային թիմին, որի կազմում են նաև նրա հատուկ բանագնացներ Սթիվ Ուիթկոֆը և Ջարեդ Քուշները, բանակցությունների վերաբերյալ «հստակ ուղեցույցներ» է տվել։ Պաշտոնյան, սակայն, լրացուցիչ մանրամասներ չի հաղորդել։
«Մենք փորձելու ենք դրական բանակցություններ ունենալ։ Նախագահը մեզ տվել է բավականին հստակ ուղեցույցներ։ Կտեսնենք»,- ասել է ԱՄՆ փոխնախագահը։
Թարգմանությունը՝ Էմմա Չոբանյանի
