26.10.2026 | 17:41
Գերմանիան պատրաստվում է գնել Ուկրաինայում մշակված «Բարս» հրթիռները․ FT
Վենսը մեկնում է Պակիստան՝ Իրանի հետ բանակցությունների, Թեհրանը պայման է դնում
Քաղաքականություն
10.04.2026 | 11:45
ԱՄՆ փոխնախագահ Ջեյ Դի Վենսը մեկնում է Պակիստան՝ Իրանի հետ բարձր մակարդակի բանակցություններ վարելու, քանի որ փխրուն հրադադարը վտանգի տակ է, գրում է DW-ն։
Վենսը Իսլամաբադ կժամանի դեսպան Սթիվ Ուիթկոֆի և խորհրդական Ջարեդ Քուշների հետ միասին, որոնք նախկինում անուղղակի բանակցություններ էին վարել Իրանի պաշտոնյաների հետ միջուկային և տարածաշրջանային անվտանգության հարցերի շուրջ։
Սպիտակ տունը մանրամասներ չի ներկայացնում՝ Պակիստանում կայանալիք բանակցությունները կլինեն ուղղակի, թե անուղղակի։
Նշվում է, որ այս հանդիպումը Իրանի հետ ԱՄՆ-ի ամենաբարձր մակարդակի շփումներից մեկն է վերջին մի քանի տասնամյակի ընթացքում։ Լրատվամիջոցը հիշեցնում է Բարաք Օբաման հեռախոսազրույց էր ունեցել Իրանի նախագահ Հասան Ռոհանիի հետ 2013 թվականին։
Բանակցությունների շուրջ արդեն իսկ անհամաձայնություններ կան․ Իրանը հայտարարել է, որ հրադադարը պետք է ներառի Լիբանանում Իսրայելի գործողությունների դադարեցումը, մինչդեռ Իսրայելի վարչապետ Բենիամին Նեթանյահուն և Թրամփը մերժել են այդ մոտեցումը։
Ավելի վաղ իրանական Tasnim լրատվական գործակալությունը հերքել էր իրանական բանակցային պատվիրակության՝ Պակիստանի մայրաքաղաք Իսլամաբադ ժամանելու տեղեկությունը՝ նշելով, որ Թեհրանը չի մասնակցի Միացյալ Նահանգների հետ խաղաղության բանակցություններին, քանի դեռ Իսրայելը չի դադարեցրել Լիբանանին ուղղված հարվածները։
Թարգմանությունը՝ Էմմա Չոբանյանի
