02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Ուկրաինական ուժերը Պարսից ծոցի երկրներում իրանական ԱԹՍ-ներ են խոցել․ Զելենսկի
Քաղաքականություն
10.04.2026 | 16:59
Ուկրաինայի նախագահ Վլադիմիր Զելենսկին հայտարարել է, որ ուկրաինացի զինվորականները Մերձավոր Արևելքի մի շարք երկրներում իրանական «Շահեդ» անօդաչու թռչող սարքեր են խոցել։ Զելենսկին չի նշել երկրները, բայց ասել է, որ ուկրաինական անձնակազմն օգնել է հզորացնել ՀՕՊ համակարգերը մի քանի երկրներում։ Նա նախկինում ասել է, որ տարածաշրջան է ուղարկվել ավելի քան 200 ուկրաինացի փորձագետ։
«Մենք որոշ երկրների ցույց տվեցինք, թե ինչպես աշխատել խափանող սարքերի հետ։ Մենք ոչնչացրե՞լ ենք [անօդաչու սարքեր]: Այո՛, մենք արել ենք: Մենք դա արել ենք միայն մե՞կ երկրում: Ոչ, մի քանիսում»,- լրագրողներին ասել է Զելենսկին։
Անցյալ շաբաթ Ուկրաինայի նախագահն այցելություններ էր կատարել Սաուդյան Արաբիա, Կատար, Արաբական Միացյալ Էմիրություններ և Հորդանան, քանի որ Կիևը ձգտում է ամրապնդել Մերձավոր Արևելքում դիվանագիտական աջակցությունը՝ առաջարկելով դժվարությամբ ձեռք բերված անօդաչու թռչող սարքերի խոցման իր փորձը՝ ռուսական ներխուժման դեմ շարունակական պայքարում ռազմական, ֆինանսական և քաղաքական աջակցության դիմաց։
«Մենք օգնում ենք ամրապնդել նրանց անվտանգությունը՝ մեր երկրի դիմակայնությանը նպաստելու դիմաց։ Սա շատ ավելին է, քան պարզապես գումար ստանալը»,- ասել է Զելենսկին։
Թարգմանությունը՝ Էմմա Չոբանյանի
