17.08.2026 | 17:58
Ռոնալդու. «Հնարավոր է՝ սա իմ վերջին տարին է ֆուտբոլում»
Զելենսկին արձագանքել է Պուտինի կողմից հայտարարված «զատկական հրադադարին»
Քաղաքականություն
10.04.2026 | 10:32
Ուկրաինայի նախագահ Վլադիմիր Զելենսկին հայտարարել է փոխադարձ քայլերի մասին՝ ի պատասխան ապրիլի 11-12-ին Սուրբ Զատկի տոների կապակցությամբ Կրեմլի կողմից հայտարարված հրադադարին, գրում է BBC-ին ռուսական ծառայությունը։
«Ուկրաինան բազմիցս հայտարարել է, որ պատրաստ է փոխադարձ քայլեր ձեռնարկել։ Այս տարի մենք առաջարկեցինք հրադադար Զատկի տոների ժամանակ և կգործենք համապատասխանաբար», – գրել է նա սոցիալական ցանցերում։
«Մարդկանց պետք է Զատիկ առանց սպառնալիքների և խաղաղության ուղղությամբ իրական առաջընթաց, և Ռուսաստանը հնարավորություն ունի չվերադառնալ հարձակումներին Զատիկից հետո», – հավելել է Զելենսկին։
Հիշեցնենք, որ ՌԴ նախագահ Վլադիմիր Պուտինը հայտարարել էր «զատկական հրադադար» ապրիլի 11-ի ժամը 16:00-ից՝ մինչև ապրիլի 12-ի օրվա ավարտը։
Միաժամանակ, Reuters-ն էլ հայտնում է որ Ռուսաստանի նախագահի հատուկ ներկայացուցիչ Կիրիլ Դմիտրիևը գտնվում է Միացյալ Նահանգներում և մասնակցում է Դոնալդ Թրամփի վարչակազմի ներկայացուցիչների հետ բանակցություններին։ Կողմերը քննարկում են Ուկրաինայում խաղաղության համաձայնագիրը և Ռուսաստանի ու Միացյալ Նահանգների միջև տնտեսական համագործակցության հարցերը։
Թարգմանությունը`Էմմա Չոբանյանի
