17.08.2026 | 18:06
«Յաբլոկո»-ի փոխնախագահ Լև Շլոսբերգը 11 տարվա ազատազրկման է դատապարտվել ռազմական «կեղծիքների» և ՌԴ բանակը «վարկաբեկելու» գործով
Պուտինը հայտարարել է «զատկական հրադադար»
Քաղաքականություն
09.04.2026 | 23:32
ՌԴ նախագահ Վլադիմիր Պուտինը հայտարարել է «զատկական հրադադար» ապրիլի 11-ի ժամը 16:00-ից՝ մինչև ապրիլի 12-ի օրվա ավարտը, հայտնել է Կրեմլը։
Պուտինը հանձնարարել է Ռուսաստանի զինված ուժերին «կանգնեցնել մարտական գործողությունները բոլոր ուղղություններով», սակայն միաժամանակ նշել է, որ զորքերը պետք է պատրաստ լինեն «կանխելու հակառակորդի հնարավոր սադրանքները և ցանկացած ագրեսիվ գործողություն»։
Կրեմլի հայտարարության մեջ ընդգծվում է, որ Ռուսաստանը ակնկալում է, որ ուկրաինական կողմը նույնպես կհետևի այս օրինակին։
Ավելի վաղ Ուկրաինայի նախագահ Վլադիմիր Զելենսկին էր առաջարկել Զատկի առթիվ հրադադար հայտարարել։ Սակայն Կրեմլում նշում էին, որ վերջնական որոշում դեռևս չի կայացվել։
Կիևից առայժմ պաշտոնական արձագանք չի հնչել ռուսական կողմի հայտարարությանը։
Նշենք, որ 2025 թվականին Պուտինը Զատկի կապակցությամբ միակողմանի կարգով ևս հայտարարել էր հրադադար՝ շուրջ մեկուկես օրով։ Այդ ընթացքում հակամարտության կողմերը փոխադարձ մեղադրանքներ էին հնչեցնում հրադադարի խախտումների վերաբերյալ, սակայն մարտական գործողությունների ինտենսիվությունը զգալիորեն նվազել էր։
