02.07.2026 | 12:03
Կատարը հայտարարել է, որ Դոհայում ԱՄՆ-Իրան անուղղակի բանակցությունները «դրական առաջընթաց» են գրանցել
Իսպանիան դատապարտում է Իսրայելի հարձակումները Լիբանանի վրա և վերաբացում դեսպանատունը Իրանում
Քաղաքականություն
09.04.2026 | 17:01
Իսպանիայի արտաքին գործերի նախարար Խոսե Մանուել Ալբարեսը մեղադրել է Իսրայելին միջազգային իրավունքը և Մերձավոր Արևելքում երկշաբաթյա հրադադարը խախտելու համար՝ չորեքշաբթի օրը Լիբանանին օդային հարվածներ հասցնելով, գրում է France 24-ը։
«Երեկ մենք տեսանք, թե ինչպես Իսրայելը, խախտելով հրադադարը և միջազգային իրավունքը, հարյուրավոր ռումբեր նետեց Լիբանանի վրա», – ասել է Ալբարեսը ստորին պալատի օրենսդիրներին։
Ավելի վաղ Ալբարեսը հայտարարել էր, որ Իսպանիան կվերաբացի իր դեսպանատունը Թեհրանում` տարածաշրջանում խաղաղության հասնելու հույսով։
«Ես Թեհրանում մեր դեսպանին հանձնարարել եմ վերադառնալ, կրկին ստանձնել իր պաշտոնը և վերաբացել մեր դեսպանատունը, և որ մենք միանանք խաղաղության այս ջանքերին բոլոր հնարավոր կողմերից, այդ թվում՝ հենց Իրանի մայրաքաղաքից», – լրագրողներին ասել է Ալբարեսը։
Իսպանիան, որը և՛ Եվրամիության, և՛ ՆԱՏՕ-ի անդամ է, դարձել է ԱՄՆ-ի և Իսրայելի ռազմական գործողությունների ամենակոշտ քննադատներից մեկը Իրանում և Լիբանանում, հակամարտությունը անվանելով «անօրինական» և փակելով իր օդային տարածքն ու բազաները ամերիկյան ինքնաթիռների համար։
Թարգմանությունը`Էմմա Չոբանյանի
