Իրանի դեսպանը ջնջել է Պակիստանում ԱՄՆ-Իրան բանակցությունների մասին գրառումը

Պակիստանում Իրանի դեսպան Ռեզա Ամիրի Մողադամը ջնջել է X-ում արված գրառումը, որում նա հայտնել էր, որ իրանական պատվիրակությունն այսօր մեկնում է Իսլամաբադ՝ ԱՄՆ-ի հետ բանակցություններ սկսելու համար, գրում է BBC-ին ։

Բանակցությունները նախատեսված են շաբաթ օրը ԱՄՆ փոխնախագահ Ջեյ Դի Վենսի հետ։

Գրառման մեջ  նա նշել էր, որ  իրանական պատվիրակությունը «այսօր երեկոյան կժամանի Իսլամաբադ՝ Իրանի կողմից առաջարկված 10 կետերի շուրջ լուրջ բանակցություններ վարելու համար»։  ԱՄՆ-ն և Իրանը հակասական կարծիքներ ունեն այդ կետերի վերաբերյալ։

Դեսպանը չի բացատրել, թե ինչու է գրառումը ջնջվել։

Իսլամաբադում Իրանի դեսպանատան պաշտոնյան AFP-ին ասել է, որ գրառումը հեռացվել է «որոշ խնդիրների պատճառով»՝ հրաժարվելով ասել, թե արդյոք պատվիրակությունը դեռ սպասվում է հինգշաբթի օրը։ Երբ պաշտոնյային  ավելի մանրամասն հարցնում են, նա պատասխանում է. «Ժամանակը։ Մենք չպետք է այն ուղարկեինք»։

Այս ջնջումը նոր անորոշություն է առաջացնում ժամանման ժամանակացույցի վերաբերյալ, չնայած որ Միացյալ Նահանգները և Իրանը հաստատել են իրենց մասնակցությունը Իսլամաբադում Պակիստանի միջնորդությամբ կազմակերպված խաղաղության բանակցություններին։

Պակիստանի մայրաքաղաքի իշխանությունները չորեքշաբթի օրը հայտարարեցին տեղական տոների մասին՝ հաջորդ երկու օրերի համար։ Պաշտոնական պատճառը չի նշվել, սակայն նման սահմանափակումները տարածված են կարևոր դիվանագիտական ​​միջոցառումներից առաջ։

Թարգմանությունը` Էմմա Չոբանյանի