30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Անկարան մանրամասներ է հայտնում Վրաստան-Ադրբեջան սահմանին թուրքական ռազմական ինքնաթիռի վթարից
Քաղաքականություն
09.04.2026 | 15:35
Թուրքիայի ազգային պաշտպանության նախարարությունը հայտարարել է, որ նախքան թուրքական C-130 ռազմական բեռնատար ինքնաթիռի վթարը Վրաստան- Ադրբեջան սահմանի մոտ, թռիչքի տվյալների գրանցիչն ու տեխնիկական զննումները անձնակազմի կապի, ինքնաթիռի համակարգերի, շարժիչների կամ պտուտակների որևէ անսարքություն չեն հայտնաբերել։
Նշվում է, որ միջադեպը տեղի է ունեցել հանկարծակի, և որ առկա ձայնագրիչի տվյալները չեն պարունակում լրացուցիչ տեղեկություններ վթարի պատճառները պարզաբանելու համար։
Քննության վիճակի վերաբերյալ վերջին հայտարարության մեջ նախարարությունը նշել է, որ թռիչքի տվյալների ձայնագրիչը վերանայվել է և ցույց է տվել, որ մինչև վթարի պահը թվային գրառումներում ամեն ինչ նորմալ է ընթացել։ Գերատեսչությունը հայտարարել է նաև, որ վթարից առաջ անձնակազմի զրույցներում կամ ինքնաթիռի համակարգերում որևէ խախտում չի հայտնաբերվել։
Նշվում է, որ վթարը տեղի է ունեցել հանկարծակի և, որ ձայնագրությունն ավարտվել է, քանի որ ինքնաթիռի պոչի հատվածը անջատվել է ֆյուզելաժից, ինչի հետևանքով կտրվել են թռիչքի տվյալների գրանցիչ սարքին պատկանող սնուցման և տվյալների մալուխները։ Ուստի ձայնագրիչը չի պարունակում լրացուցիչ տվյալներ, որոնք կարող են ավելի մանրամասն պարզաբանել վթարը։
Նշվում է, որ որ ինքնաթիռի շարժիչների և պտուտակների մանրամասն ուսումնասիրությունները ցույց են տվել, որ դրանք աշխատել են առանց խնդիրների մինչև վթարի պահը։ Ընդգծվում ՝ չեն հայտնաբերվել որևէ ապացույցներ, որոնք ցույց կտան, որ ֆյուզելաժի վնասը պատճառվել է կտրվելու անջատման պատճառով։
Թարգմանությունը՝ Էմմա Չոբանյանի
