17.08.2026 | 18:06
«Յաբլոկո»-ի փոխնախագահ Լև Շլոսբերգը 11 տարվա ազատազրկման է դատապարտվել ռազմական «կեղծիքների» և ՌԴ բանակը «վարկաբեկելու» գործով
Իսրայելը հայտարարել է «Հըզբոլլահի» առաջնորդի քարտուղարի սպանության մասին
Քաղաքականություն
09.04.2026 | 12:51
Երեկ Բեյրութում Իսրայելի օդային հարվածի հետևանքով սպանվել է «Հըզբոլլահի» առաջնորդ Նաիմ Քասեմի քարտուղարը, հայտնել են Իսրայելի զինվորականները։
Բեյրութի Թալլե Հայաթ թաղամասում, որը գտնվում է «Հըզբոլլահի» Դահիյեի ամրոցից դուրս, հարվածը ուղղված էր Ալի Յուսուֆ Հարշիին։ Տեսանյութում երևում է, թե ինչպես է հարվածը մասամբ փլուզում բազմահարկ շենքը։
Զինվորականները պնդում են, որ Հարշին Քասեմի զարմիկն ու անձնական քարտուղարն էր։
«Հարշին «Հըզբոլլահի» գլխավոր քարտուղար Նաիմ Քասեմի մտերիմ գործընկերն ու անձնական խորհրդականն էր և կենտրոնական դեր էր խաղում նրա գրասենյակի և անվտանգության կառավարման գործում», – ասվում է զինվորականների հայտարարության մեջ։
Միևնույն ժամանակ, Իսրայելի պաշտպանության բանակը հայտարարում է, որ գիշերը հարվածել է Լիտանի գետի երկու «կենտրոնական» անցումներին, որոնք «Հըզբոլլահը» օգտագործել է հարավային Լիբանան «հազարավոր զենքեր, հրթիռներ և արձակման սարքեր» տեղափոխելու համար։
Բացի այդ՝ հարավային Լիբանանում հարվածներ են հասցվել մոտ 10 զենքի պահեստների, հրթիռային կայանների և «Հըզբոլլահի» շտաբ-բնակարանների։
Հիշեցնենք՝ Լիբանանի քաղաքացիական պաշտպանության ծառայությունը հայտնել էր, որ չորեքշաբթի Իսրայելի կողմից հարձակումների հետևանքով զոհվել է առնվազն 254 մարդ, իսկ 1165-ը՝ վիրավորվել։
Թարգմանությունը`Էմմա Չոբանյանի
