02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Վենսը զգուշացնում է, որ հրադադարը «փխրուն» է, Թրամփը՝ «անհամբեր» է առաջընթացի համար
Քաղաքականություն
08.04.2026 | 17:29
Բուդապեշտ կատարած այցի ժամանակ ԱՄՆ փոխնախագահ Ջեյ Դի Վենսը ողջունել է Իրանի հետ հրադադարը, բայց զգուշացրել , որ այն Իրանում սխալ է ներկայացվում, գրում է DW-ն։
«Կան մարդիկ, որոնք ստում են նույնիսկ այս փխրուն հրադադարի մասին, որը մենք արդեն կնքել ենք», – ասել է Վենսը՝ առանց լրացուցիչ մանրամասներ հաղորդելու։
«Եթե իրանցիները բարի կամքով պատրաստ են համագործակցել մեզ հետ, կարծում եմ՝ մենք կարող ենք համաձայնության գալ», – ասել է Վենսը, որն այս շաբաթ Հունգարիայում է՝ Վիկտոր Օրբանի վերընտրության թեկնածությանը աջակցելու համար։
«Կարծում եմ, եթե նրանք բարի կամքով բանակցեն, մենք կկարողանանք համաձայնության գալ։ Դա մեծ «եթե»-ն է։ Եվ, ի վերջո, իրանցիներից է կախված, թե ինչպես են նրանք բանակցելու։ Հուսով եմ՝ նրանք ճիշտ որոշում կկայացնեն», – ասել է Վենսը։
Այնուամենայնիվ, նա զգուշացրել է, որ եթե Թեհրանը չգա բանակցությունների սեղանի շուրջ, «նրանք կհասկանան, որ Միացյալ Նահանգների նախագահը նրանցից չէ, ում հետ կարելի է խաղալ։ Նա անհամբեր է։ Անհամբեր է առաջընթաց գրանցելու համար»։
Պակիստանը, որը միջնորդել է հրադադարը, հայտարարել է, որ պատերազմի վերջնական ավարտի վերաբերյալ բանակցությունները կարող են սկսվել Իսլամաբադում արդեն ուրբաթ օրը։
Ավեի վաղ Թրամփը հայտարարել էր հրադադարի մասին, որի պայմաններից մեկը Իրանի կողմից Հորմուզի նեղուցի բացումն է:
Թարգմանությունը`Էմմա Չոբանյանի
